Alawi 10:19 - ÎVUKU RÎA ÛVORO MWARO

¹⁹ Aroni nîwacokerie Musa atîrî, “Taroria, andû maarutire îtega rîa kûtheria mevia na maruta îtega rîa kûvîvua ûmûnthî kûrî Ngai-Mûnene, nwatî ciana ciakwa ciîrî nîikwire. Nîngîrarîte îtega rîa kûtheria mevia ûmûnthî, Ngai-Mûnene nîangîkenire?”

Alawi 10:19 ပူးပေါင်းရင်းမြစ်များ

Isaia 1:11

Ngai-Mûnene arauga atîrî, “Magongoona meengî marîa mûndutagîra nî ma kî? Nîrî mûnogu nî matega menyu ma kûvîvua ma ndûrûme, na maguta ma nyamû cienyu irîa noru. Ndikenagua nî nthakame ya ndegwa, ya ndûrûme kana ya nthenge.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Hosea 9:4

Matikarutîra Ngai-Mûnene matega ma ndivei wana magongoona mao matikamûkenia. Irugo ciao ikethîrwa ciîkariî ta irugo cia macakaya, andû onthe arîa makaairîa nîmakaagîa na mûgiro. Ikethîrwa irî irio cia kûmavaithia tu; itikavirwa hekarûrî ya Ngai-Mûnene.

Alawi 10:20

Rîrîa Musa eegwire ûguo, nîweganîre.

Alawi 9:12

Aroni nîwaûragire nyamû yake ya îtega rîa kûvîvua, nao avîcî ake nîmaamûnengerire nthakame nake akîmîminjaminja mîenarî yonthe ya metha ya kîgongoona.

Alawi 9:8

Kwoguo Aroni nîwathiîre metharî ya kîgongoona na akîûraga ndegwa îtaarî ngûrû ya kûtheria mevia make ke mwene.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 26:14

Ndiarîa gîcunjî gîa îkûmi vîndî îrîa naacakayaga; kana nîkîruta nîrî na gîko, kana nîkîrutîra akuû. Nîmbathîkîrîte ûrîa wonthe Ngai-Mûnene, Ngai wakwa augîte, na ngeeka maûndû monthe marîa ambathîte mbîke.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.

Ahib 9:8

Na njîra îno, Roho Mûtheru nîonanagia atî rîrîa rîonthe îgema rîa nja rîrî vo, njîra ya kûthiî vandû varîa vatheru Mûno tî mvingûre.