Alawi 10:14 - ÎVUKU RÎA ÛVORO MWARO

¹⁴ Nwatî we mûrî na andû a nyomba yaku nwa mûrîe kîthûri vamwe na Kîamû gîa kûgûrû kwa vuva irîa irutîtwe irî kîveo Kîam mwanya na rîrî îtega rîa mwanya kûrî Ngai-Mûnene nîûndû wa athînjîri-Ngai. Nwa mûirîre vandû wa vonthe vatheru nîûndû matega mama manenganîrîtwe kûrî we mûrî na ciana ciaku karî gacunjî gaku kuuma kûrî matega ma ngwatanîro ma andû a Isiraeli.

Alawi 10:14 ပူးပေါင်းရင်းမြစ်များ

Ntha 29:33

Makaarîa indo irîa ciavûthîrirwe mamburarî ma kwoverwa mevia vîndî îrîa maamûragwa. Athînjîri-Ngai onga nîo magîrîrwe nî kûrîa indo icio nîûndû nî ntheru.

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Alawi 10:13

Mûûrîre vandûrî varîa vatheru, nîûndû nî gacunjî gaku mûrî na avîcî aku karîa mwagîrîrwe nî kûrîa kuuma kûrî matega ma kûvîvua marîa marutîrîtwe Ngai-Mûnene. Ûguo nîguo Ngai-Mûnene ambathîte.

Alawi 22:13

Nwatî ethîrwa mwarî wa mûthînjîri-Ngai nî mûka wa ndigwa kana nî matiganîte na mûrûme, na ethîrwa atarî na ciana nwa arîe irio irîa îthe arîcaga. Gûtirî mûndû wîngî ûtarî wa mbarî ya athînjîri-Ngai wagîrîrwe nî kûrîa irio icio.

Alawi 9:21

Nwatî Aroni nîwarutîre Ngai-Mûnene ithûri vamwe na magûrû ma ûrîo ma vuva kîrî kîveo Kîam mwanya kûrî athînjîri-Ngai, wata ûrîa Musa aathanîte.

Ndari 18:11

“Matega mengî marîa andû a Isiraeli makandutagîra makethagîrwa marî maku. Nînakûva cio we, avîcî aku, erîtu aku nîguo matûûre marî menyu. Mûndû wa wonthe wa mûciî waku ûrîa ûkethagîrwa arî mûtheru nîakaarîcaga matega mau.

Ndari 5:9

Indo cionthe ntheru irîa andû a Isiraeli marutagîra Ngai-Mûnene nî cia mûthînjîri-Ngai.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.