Alawi 10:12 - ÎVUKU RÎA ÛVORO MWARO

¹² Nake Musa nîwerire Aroni na avîcî ake Eliazaru na Ithamaru arîa maatigarîte marî mwoyo atîrî, “Ocani îtega rîa irio cia mûgûnda irîa itigarîte kuuma kûrî irio irîa irutîrîtwe Ngai-Mûnene, mûrûthe mûgate ûtarî mwîkîre ndawa ya kwimbia na mûûrîre vakuvî na metha ya kîgongoona, nîûndû îtega rîîrî nî rîtheru mûno.

Alawi 10:12 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

Ezira 7:5

Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Ntha 29:2

Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Ntha 29:33

Makaarîa indo irîa ciavûthîrirwe mamburarî ma kwoverwa mevia vîndî îrîa maamûragwa. Athînjîri-Ngai onga nîo magîrîrwe nî kûrîa indo icio nîûndû nî ntheru.

Ntha 6:23

Aroni nîwavikirie Elisheba, mwarî wa Aminadabu na aarî mwarwang'ina na Nahashoni. Nake nîwaciarire Nadabu, Abihu, Eliazaru, na Ithamaru.

Ezek 44:29

Matega ma irio cia mîgûnda, matega ma kûthiria mevia na matega ma kûrîva mevia makarîcagwa nî athînjîri-Ngai. Indo cionthe vûrûrirî wa Isiraeli irîa ciamûrîrîtwe Ngai igatuîkaga ciao.

Alawi 10:13

Mûûrîre vandûrî varîa vatheru, nîûndû nî gacunjî gaku mûrî na avîcî aku karîa mwagîrîrwe nî kûrîa kuuma kûrî matega ma kûvîvua marîa marutîrîtwe Ngai-Mûnene. Ûguo nîguo Ngai-Mûnene ambathîte.

Alawi 21:22

Mûndû ta ûcio nwa arîe irio irîa ndutîrîtwe, îtega rîa irio irîa ntheru kana rîa irio irîa ntheru mûno.

Alawi 24:9

Mîgate îo nî ya Aroni na njiarwa ciake, na makaamîrîcagîra vandû varîa vatheru vîndî cionthe, nîûndû kau nî gacunjî katheru mûno ka îtega rîa kûvîvua rîa athînjîri-Ngai rîrîa rîtegeretwe Ngai-Mûnene.”

Alawi 7:9

Îtega rîonthe rîa irio cia mûgûnda rîrîa rîrugîtwe na oveni, kana karaî ikeethîrwa irî cia mûthînjîri-Ngai ûrîa ûkaarutîra Ngai îtega rîu vandûrî va mûndû wîngî.

Ndari 3:2

Avîcî a Aroni maarî: Nadabu ûrîa warî îrikithathi, Abihu, Eliazaru, na Ithamaru.