Alawi 10:1 - ÎVUKU RÎA ÛVORO MWARO

¹ Avîcî aîrî a Aroni, Nadabu na Abihu nîmoocire wa mûndû kanyûngû ga kûvîvîrua ûbani, magîkîra makara marî na mwaki kuo, magîkîra ûbani na makîrutîra Ngai-Mûnene. Nwatî mwaki ûcio ndwarî mwîtîkîrie nîûndû Ngai-Mûnene ndaathanîte arutîrwa guo.

Alawi 10:1 ပူးပေါင်းရင်းမြစ်များ

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Ntha 24:1

Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.

Ntha 24:9

Nao Musa, Aroni, Nadabu, Abihu, na atongoria mîrongo mûgwanja a Isiraeli nîmaaunûkirie kîrîmarî

Ntha 27:3

Na ûkaarûtha nyûngû cia gwîkîra mûu ûrîa ûrî na mathuma, indo cia kûng'ara, mbakûri, mînyoge na rûgîo rwa mwaki. Indo icio cionthe irûthwe na gîcango.

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 31:11

Macoke marûthe maguta ma kwamûrana, na ûbani ûrîa ûrî mûtararûko mwaro nîûndû wa vandû varîa vatheru. Makîrûtha indo icio cionthe, mageeka wata ûrîa naakwathire.”

Ntha 37:29

Nîwacokire akîrûtha maguta ma kwamûrana na akîrûtha ûbani mûnungi waro ûtukanîtue ta maguta manungi waro.

Ntha 38:3

Nîwarûthire indo cionthe cia metha ya kîgongoona na indo icio ciarî: nyûngû, indo cia kûng'ara, mbakûri, mînyoge, na ngîo cia mwaki. Indo icio cionthe ciarûthîtwe na gîcango.

Ntha 40:27

na akîvîvîria ûbani mûnungi waro vau metharî ya kîgongoona wata ûrîa Ngai-Mûnene aathîte Musa.

Ntha 6:23

Aroni nîwavikirie Elisheba, mwarî wa Aminadabu na aarî mwarwang'ina na Nahashoni. Nake nîwaciarire Nadabu, Abihu, Eliazaru, na Ithamaru.

Ntha 8:27

Tue nwanginya tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû îgongoona ta ûrîa ke aatwathire.”

Jeremia 19:5

Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Jeremia 44:15

Nao arûme onthe arîa maamenyire atî aka ao maarî avîvîriu ngai ng'eni ûbani na aka onthe arîa maarûngamîte vau, gîkundi kînene Kîam andû vamwe na andû a Isiraeli arîa maatûûraga Pathirosi vûrûrirî wa Misiri nîmaacokerie Jeremia atîrî,

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Jeremia 7:31

Nîmatumîte metha cia magongoona ciîtagwa ‘Tofethi’ kûu Kîamndarî Kîam Hinomu, nîguo marutîre ciana ciao cia anake na erîtu kuo irî matega ma kûvîvua. Nie ndiamatha meke ûguo, na ûndû ta ûcio ndwanagîa meciriarî makwa.

Alawi 16:1

Ngai-Mûnene nîwarîrie Musa vuva wa avîcî aîrî a Aroni gûkua makuvîvîria Ngai-Mûnene.

Alawi 16:12

nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.

Alawi 22:9

“Athînjîri-Ngai onthe nwanginya mamenyerere mawatho marîa nîmavete. Nwatî mangîrega gwîka guo makethîrwa marî na mevia na nîmagaakua, nîûndû wa kûrega kwathîkîra mawatho makwa. Nie nînie Ngai-Mûnene na nînie ntheragia athînjîri-Ngai.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 26:61

Nadabu na Abihu nîmaakwire rîrîa maarutîre Ngai-Mûnene matega ma kûvîvua na mwaki ûtarî mwîtîkîrie.

Ndari 4:18

“Ndûgetîkîrie andû a mbarî ya Kohathu,

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 17:3

na njîra ya kûgooca na gûtungatîra ngai ciîngî: riûa, mweri kana njata irîa ngananîtie,

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.