Alawi 1:9 - ÎVUKU RÎA ÛVORO MWARO

⁹ Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:9 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

1Maû 6:34

Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

2Maû 4:6

Mûthamaki Solomoni nîwacokire akîrûtha tûraî îkûmi twa kwîthambîria. Nîwaigire tûraî tûtano mwena wa îveti na tûtano mwena wa rûgûrû. Tûraî tûu twatûvûthagîra na kûthambîria indo cia matega ma kûvîvua, nwatî manjî ma îtangi maavûthagîrwa nî mûthînjîri-Ngai kwîthambia namo.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 66:15

Nîngaakûrutîra matega ma kûvîvua ma nyamû irîa noru, îgongoona rîa matega ma kûvîvua ma ndûrûme, nîngaaruta îtega rîa ndegwa na mbûri.

Ntha 12:9

Mûtikarîe nyama mbîthî kana itherûkîtue na manjî, nwatî tûtûrûme tûu tûkaarîwa tuonthe tûvîvîtue wana ciongo ciatuo, magûrû wa na nyama cia nda.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:25

Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:41

“Naamûruta kûrî ndûrîrî na mavûrûri marîa mûnyaganîrîtie na nîmûrete vamwe, nîngaamwamûkîra mûrî ta îgongoona rîrî na mûnungo mwaro wa kûngenia, nacio ndûrîrî nîikoona ûthingu wakwa.

Ezek 40:38

Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:17

Nîagaacoka amînyite mathagu na amîtarûranie, nwatî ndakaamîtucanie, na amîvîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.”

Alawi 2:16

Mûthînjîri-Ngai nîagaacoka avîvie gacunjî ka mûtu, gacunjî ka maguta vamwe na ûbani wonthe. Rîu nî îtega rîa kûvîvua kûrî Ngai-Mûnene.

Alawi 2:2

na aûvire kûrî athînjîri-Ngai a nyomba ya Aroni. Mûthînjîri-Ngai nîagaakumbata mûtu ûcio ûrî na maguta na ûbani ngundi îmwe, na aûvîvîrie îgûrû rîa metha ya kîgongoona kîrî kîririkania atî matega mau ma kûvîvua marutîrîtwe Ngai-Mûnene. Mûtararûko wa matega mau nîûkenagia Ngai-Mûnene.

Alawi 2:9

Mûthînjîri-Ngai nîagooca gacunjî kamwe ka îtega rîu karî kîririkania atî îtega rîu rîonthe rîa irio cia mûgûnda rîrutîrîtwe Ngai-Mûnene. Nîagaacoka avîvîrie gacunjî kau îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 3:11

Ûmwe wa athînjîri-Ngai nî akaavîvîria indo icio cionthe îgûrû rîa metha ya kîgongoona irî îtega rîa kûvîvua kûrî Ngai-Mûnene.

Alawi 3:5

Athînjîri-Ngai a nyomba ya Aroni nîmakaavîvîria indo icio cionthe îgûrû rîa metha ya kîgongoona vamwe na matega mau mengî ma kûvîvua. Mûtararûko wa îtega rîu nîûkenagia Ngai-Mûnene.

Alawi 4:31

Mûndû ûcio wîvîtie nî akaaruta mathunya ma nyamû îo monthe wata ûrîa mathunya ma nyamû irîa ciûragagwa nîûndû wa matega ma ngwatanîro marutagwa. Mûthînjîri-Ngai nîakaavîvîria mathunya mau îgûrû rîa metha ya kîgongoona naguo mûtararûko wamo nîûgaakenia Ngai-Mûnene. Mûthînjîri-Ngai nî agaacoka arute îgongoona rîa kûtheria wîvia wa mûndû ûcio na nî akooverwa.

Alawi 6:14

“Mama nîmo mawatho megiî matega ma irio cia mûgûnda. Ûmwe wa athînjîri-Ngai a mbarî ya Aroni nîakaarutîra Ngai-Mûnene matega ma irio cia mûgûnda vau mbere ya metha ya kîgongoona.

Alawi 8:21

Nîwacokire akîthambia nyama cia nda vamwe na magûrû ma vuva, na akîvîvîria nyama cionthe îgûrû rîa metha ya kîgongoona rîrî îtega rîa kûvîvua, wata ûrîa Ngai-Mûnene aathanîte. Naguo mûtararûko wa rîo nîwakenirie Ngai-Mûnene.

Alawi 8:28

Musa nîwacokire agîoca indo icio kuuma kûrî Aroni na avîcî ake na akîivîvîria îgûrû rîa metha ya kîgongoona vamwe na îtega rîa kûvîvua. Rîu nîrîo rîarî îtega rîa kwamûrana, na mûtararûko warîo nîûkenagia Ngai-Mûnene; nî îtega rîa kûvîvua na mwaki.

Alawi 9:14

Nîwacokire akîthambia nyama cia nda na magûrû ma vuva na akîivîvîria îgûrû rîa metha ya kîgongoona vamwe na matega mau mengî ma kûvîvua.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Ndari 15:3

nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Ndari 28:7

Wa gatûrûme ga îtega rîa kûvîvua rîkaarutanagîrua na lita îmwe ya îtega rîarîo rîa indo cia kûnyuwa. Îtega rîu rîa ndivei rîgetûrûragwa metharî ya kîgongoona ya Ngai-Mûnene.

Ndari 28:8

Gatûrûme kau kengî gakaarutagwa kîvwaî karî îtega rîa kûvîvua. Gakaarutanagîrua na irio cia mûgûnda na matega ma indo cia kûnyuwa wata irîa cia îtega rîa kîraûko. Rîîrî nî îtega rîrî mûtararûko mwaro ûkenagia Ngai-Mûnene.

2Akor 2:15

Nîûndû tue twîkariî ta ûbani ûrîa ûnungaga waro ûtegeretwe Ngai nî Kristû. Naguo nîûtambaga gatagatîrî ka arîa maravonokua na arîa maraûra.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Gûco 12:27

Vau nîvo mûkaarutagîra matega ma kûvîvua, nyama na nthakame metharî ya kîgongoona ya Ngai-Mûnene Ngai wenyu. Nthakame îgeetûrûragwa metharî ya kîgongoona ya Ngai-Mûnene Ngai wenyu, mûgacoka mûkarîa nyama.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.