Alawi 1:3 - ÎVUKU RÎA ÛVORO MWARO

³ Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 1:3 ပူးပေါင်းရင်းမြစ်များ

Kîam 22:13

Rîrîa Iburahimu eenamûkire, nîwonire ndûrûme înyitîtwe mvîa nî mîrigica. Nîwathiîre akîmîoca na akîmîrutîra Ngai îgongoona rîa kûvîvua îthenya rîa mûvîcî.

Kîam 22:2

Nake Ngai nîwamwîrire atîrî, “Oca Isaka mwana waku wa kîmomwe ûrîa wendete mûno, na mûthiî nake vûrûrirî wa Moria. Thiî kîrîmarî kîrîa ngaakwonia na ûrute Isaka arî îgongoona rîa kûvîvua.”

Kîam 22:8

Iburahimu nîwacokerie Isaka atîrî, “Mûvîcîwa Ngai ke mwene nîakûvecana ndûrûme ya îgongoona.” Kwoguo wa oîrî nîmaathiîre na mbere na rûgendo rwao.

Kîam 8:20

Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.

2Maû 29:32

Nyamû cia matega ma kûvîvua ma Ngai-Mûnene irîa ciarutirwe ciarî: ndegwa mîrongo mûgwanja (70), ndûrûme îgana rîmwe (100) na tûgondu magana maîrî (200). Icio cionthe ciarî cia matega ma kûvîvua kûrî Ngai-Mûnene.

2Maû 35:12

Nîmaacokire makîgaa nyamû cia matega ma kûvîvua kûringana na nyomba cia andû ao nîguo marutîre Ngai-Mûnene matega wata ûrîa kwandîkîtwe îvukuurî rîa Musa. Ûguo nwaguo maagaanirie wana ndegwa.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Ntha 12:5

Mûndû nwanginya acarie kagondu kana kathenge karî na ûkûrû wa mwaka ûmwe na gatarî wonje kana maroro.

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:4

“Ûcoke ûrete Aroni na avîcî ake mûromorî wa îgema rîa Ngai-Mûnene na ûmeere methambie na manjî.

Ntha 29:42

Njiarwa ciaku cionthe ikaandutagîra matega mama ma kûvîvua mûromorî wa îgema rîa Ngai-Mûnene. Vau nîvo ngaatûngana na andû akwa na mbarie nawe.

Ntha 32:6

Kîraûko tene mûthenya ûcio wîngî andû nîmaarutire matega ma kûvîvua, na matega ma thayû. Nîmaacokire magîkara nthî makîrîa na makînyua. Nîmaarûngamire na makîambîrîria kwîinia makinaga nyîmbo cia waga nthoni.

Ntha 35:21

Na mûndû wonthe ûrîa wegucaga arî na wendi wa gwîka ûguo nîwaretire matega ma gûtuma îgema rîa Ngai-Mûnene. Nao nîmaaretire indo cionthe irîa ciendekaga cia gûtûmîrwa vîndî ya kûgooca na cia gûtuma nguo cia ûthînjîri-Ngai.

Ntha 35:29

Andû onthe a Isiraeli arîa maarî na wendi wa kûvecana nîmaarutire matega ma Ngai-Mûnene nîûndû wa wîra wonthe ûrîa Ngai-Mûnene aathanîte na njîra ya Musa ûrutwe.

Ntha 35:5

Rutagîrani Ngai-Mûnene matega. Mûndû wa wonthe ûrî na wendi wa gwîka ûguo nîaretagîre Ngai-Mûnene matega ma thaavu, sîlûva, na gîcango,

Ntha 36:3

Musa nîwamanengerire indo cionthe irîa ciarutîtwe nî andû a Isiraeli nîûndû wa gûtuma îgema rîtheru. Nwatî andû a Isiraeli nîmaathiîre na mbere kûvirîra Musa indo kîraûko wa kîraûko.

Ntha 38:1

Bezaleli nîwatumire metha ya kîgongoona ya matega ma kûvîvua ya mûtî ya mûgaa. Metha îo ya kîgongoona yeganene mîena yonthe. Ûraca wayo warî wa mita igîrî na cendimita mîrongo îîrî na îthano (2.25), na wariî wa mita igîrî na cendimita mîrongo îîrî na ithano (2.25). Naguo ûraca na îgûrû warî mita îmwe na cendimita mîrongo îthatû (1.30).

Isaia 1:11

Ngai-Mûnene arauga atîrî, “Magongoona meengî marîa mûndutagîra nî ma kî? Nîrî mûnogu nî matega menyu ma kûvîvua ma ndûrûme, na maguta ma nyamû cienyu irîa noru. Ndikenagua nî nthakame ya ndegwa, ya ndûrûme kana ya nthenge.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 40:39

Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 14:10

“Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 16:7

Nîagaacoka oce nthenge irîa igîrî na aivirîre Ngai-Mûnene vau mûromorî wa îgema rîa Ngai-Mûnene.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Alawi 17:8

“Mûisiraeli wa wonthe kana mûgeni wa wonthe ûtûûranagia nao, ûrîa ûkaarutîra Ngai-Mûnene îtega rîa kûvîvua kana îgongoona

Alawi 17:9

vandûrî vengî tiga mûromorî wa îgema rîa Ngai-Mûnene nîakaamûranua na andû a Ngai.

Alawi 23:12

Mûthenya wa ûcio mûkaaruta gîkûmbwa Kîam irio, nîmûkaaruta gatûrûme ga ûkûrû wa mwaka ûmwe gatarî na wonje.

Alawi 23:18

Mûkaarutanîria mûgate ûcio na tûtûrûme mûgwanja tûrî na ûkûrû wa mwaka ûmwe, ndegwa îtarî ngûrû, na ndûrûme igîrî. Gûtirî wanarî îmwe ya nyamû icio yagîrîrwe nî kwîthîrwa îrî na wonje. Indo icio vamwe na îtega rîa irio na îtega rîa ndivei ikaarutîrwa Ngai-Mûnene irî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 3:1

Rîrîa mûndû akûrutîra Ngai-Mûnene nyamû kuuma ndîthiarî yake îrî îgongoona rîa ngwatanîro, nwanginya îthagîrwe îrî ndegwa kana mori îtarî na wonje.

Alawi 4:15

Atongoria a andû nî makaaigîrîra njara ciao kîongorî Kîam ndegwa îo, na nîkaaûragwa Ngai-Mûnene akîonaga.

Alawi 4:23

na acoke amenyithue wîvia ûcio, nîakaaruta nthenge îtarî na wonje rîrî îtega rîake.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 4:32

“Ethîrwa mûndû nî akaaruta ng'ondu îrî îtega rîa kûtheria wîvia, nwanginya îkethîrwa îrî ya nga îtarî na wonje.

Alawi 5:15

“Mûndû wa wonthe angîvia atakûmenya na njîra ya kûrega kûruta indo nyamûre irîa irutagîrwa Ngai-Mûnene, nî akaarutîra Ngai-Mûnene mwatî ûtarî na wonje kuuma ndîthiarî yake. Naguo wîthîrwe ûrî na thogora ûrîa ûgaatua wa sîlûva kûringana na kîthimi kîrîa gîtîkîrîku Kîam vandû varîa vatheru.

Alawi 5:18

Nwanginya akaavirîra mûthînjîri-Ngai ndûrûme îtarî na wonje kuuma ndîthiarî yake îrî îtega rîa kûthiria wîvia. Naguo thogora wayo wîthîrwe ûrî mwîgana wa kîthimi kîrîa gîtîkîrîku. Mûthînjîri-Ngai nîakaaruta îgongoona rîa kûthiria wîvia ûrîa mûndû ûcio ekîte atakûmenya, na mûndû ûcio nîakooverwa.

Alawi 6:2

“Mûndû wa wonthe angîvîtîria Ngai-Mûnene na njîra ya kûveenia mûndû ûrîa wîngî na arege kûmûcokeria kîndû kîrîa amwigîrîte, kana kîndû kîrîa amûnengerete nîguo kîrûngamîrîre ûndû, kana aîe kîndû na vinya, kana avinyîrîrie mûndû ûrîa wîngî,

Alawi 6:8

Ngai-Mûnene nîwathire Musa atîrî,

Alawi 7:16

Ethîrwa mûndû nîaruta îgongoona rîa thayû nîguo avingie mwîvîtwa kana rîrî îtega rîake nîûndû wa kwîyendera, kîndû kîu akaaruta nîgîkaarîwa mûthenya wa ûcio, nakîo kîrîa gîgaatigara nwa kîrîwe mûthenya ûcio wîngî.

Alawi 8:18

Musa nîwacokire akîvira ndûrûme ya îtega rîa kûvîvua, nake Aroni na avîcî ake makigîrîra njara ciao kîongorî Kîamyo.

Alawi 8:21

Nîwacokire akîthambia nyama cia nda vamwe na magûrû ma vuva, na akîvîvîria nyama cionthe îgûrû rîa metha ya kîgongoona rîrî îtega rîa kûvîvua, wata ûrîa Ngai-Mûnene aathanîte. Naguo mûtararûko wa rîo nîwakenirie Ngai-Mûnene.

Alawi 9:2

na akîra Aroni atîrî, “Oca ndegwa îtarî ngûrû ya îtega rîa kûtheria mevia na ndûrûme ya îtega rîa kûvîvua; cioîrî ciîthîrwe itarî na wonje na ûirutîre Ngai-Mûnene.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Ndari 15:3

nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ndari 15:8

Rîrîa ndegwa îkûrutwa îrî îtega rîa kûvîvua kana îtega rîa kûvingia mwîvîtwa, kana îgongoona rîa kûvingia mwîvîtwa, kana îtega rîa thayû,

Ndari 19:2

meere andû a Isiraeli mamaretere mori ndune îtarî na wonje na îtaanaigîrîrwa îcoki,

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Ndari 23:27

Kwoguo Balaki nîwerire Balaamu atîrî, “Ûka tûthiî nawe na nîngûkûvira vandû vengî. Nwa kwîthîrwa Ngai nîagûgwîtîkîria ûnumîre o ûrî vandû vau.”

Ndari 23:3

Balaamu nîwacokire akîra Balaki atîrî, “Rûngama ava vakuvî na îtega rîaku rîa kûvîvua nîguo nanie nthiî vandû nîrî wenga ngone kana Ngai-Mûnene nîakûnyumîrîra. Angîmbarîria nîngûkwîra maûndû monthe marîa akûmbîra.” Kwoguo nîwaunûkirie kîrîmarî arî wenga,

Ndari 23:30

Balaki nîwekire wata ûguo eerirwe nî Balaamu. Nîwarutire wa kûrî metha ya kîgongoona ndegwa îmwe na ndûrûme îmwe.

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Ndari 28:19

Mûkaarutaga îtega rîa kûvîvua rîrî îtega rîa irio kûrî Ngai-Mûnene. Mûkaarutaga ndegwa igîrî ino itarî ngûrû, ndûrûme îmwe, tûtûrûme mûgwanja twa ûkûrû wa mwaka ûmwe na cionthe ciîthagîrwe itarî na wonje.

Ndari 28:31

Mûkaarutaga indo ino wa vamwe na matega mengî ma kûvîvua marîa mûrutaga wa mûthenya na matega ma cio ma indo cia kûnyuwa.

Ndari 29:13

Mûkaarutaga îtega rîa kûvîvua kûrî Ngai-Mûnene rîrî na mûtararûko mwaro rîa: ndegwa îkûmi na ithatû itarî ngûrû, ndûrûme igîrî, tûtûrûme îkûmi na tûna twa ûkûrû wa mwaka ûmwe, na cionthe ciîthagîrwe itarî na wonje.

Ndari 29:2

Mûkaarutagîra Ngai-Mûnene matega ma kûvîvua marî na mûtararûko mwaro ma ndegwa îmwe îtarî ngûrû, ndûrûme îmwe, na tûtûrûme mûgwanja tûrî na ûkûrû wa mwaka ûmwe. Cionthe ciîthagîrwe itarî na wonje.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Johana 1:36

Rîrîa oonire Jesû avîtûkîrîrîte vo, nîwaugire atîrî, “Taroriani Gatûrûme ka Ngai.”

Johana 10:7

Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.

Johana 10:9

Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.

Aefeso 2:18

Na njîra ya Kristû, tuonthe Ayahudi na andû a Ndûrîrî nîtûvotithagua nî Roho ûmwe gûkinya kûrî Vava wetû.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Gûco 12:27

Vau nîvo mûkaarutagîra matega ma kûvîvua, nyama na nthakame metharî ya kîgongoona ya Ngai-Mûnene Ngai wenyu. Nthakame îgeetûrûragwa metharî ya kîgongoona ya Ngai-Mûnene Ngai wenyu, mûgacoka mûkarîa nyama.

Gûco 15:21

Nwatî nyamû îo îngîthîrwa îrî na wonje wa wonthe; îrî kîthua, îtakwona, kana wonje wîngî wa wonthe, mûtikamîrutîre Ngai-Mûnene Ngai wenyu îgongoona.

Gûco 17:1

“Ndûkarutîre Ngai-Mûnene Ngai wenyu îgongoona rîa ndegwa kana ng'ondu îrî na wonje wa mûthemba wa wonthe, nîûndû Ngai-Mûnene Ngai wenyu nîathûrîte ûndû ûcio.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.