Akol 4:2 - ÎVUKU RÎA ÛVORO MWARO

² Kîragîrîriani kûvoya mwîîguîte na mûgîcokagîria Ngai ngatho.

Akol 4:2 ပူးပေါင်းရင်းမြစ်များ

Ayubu 15:4

Nwatî we nîûtigîte gwîtigîra Ngai, na watûma andû matige kûvoya Ngai.

Thaburi 109:4

Wana ethîrwa nînîmendete, nîmareganaga nanie, kûnarî ûguo nînaamavoere.

Mathaayo 26:41

Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”

Maariko 13:33

Îkaragani mwîvarîrîtie, nîûndû mûtiîcî rîrîa kavinda kau gagaakinya.

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 1:14

Nao nîmaatûnganaga mavinda meengî kûvoya Ngai marî vamwe, na marî na aka wana Mariamu ûrîa ng'ina wa Jesû na aa mûrwang'ina na Jesû.

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

1Sam 1:12

Hana nîwathiîre na mbere kûvoya Ngai-Mûnene îvinda îraca, nake Eli nîwaroretie mîromo ya Hana.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.