Akol 4:10 - ÎVUKU RÎA ÛVORO MWARO

¹⁰ Nîmwakethua nî Arisitariko ûrîa twovetwe njeera nake, wana Maariko mûrwethe wa Baranaba. (Mue nîmûrîkîtie gûtaarwa atî Maariko angîûka, mûmûgwate ûgeni).

Akol 4:10 ပူးပေါင်းရင်းမြစ်များ

Ciîko 12:12

Na rîrîa aamenyire ûguo, nîwathiîre mûciî kwa Mariamu ng'ina wa Johana ûrîa na rîîtwa rîngî wîtagwa Maariko. Nao andû eengî nîmaacemanîtie kuo makîvoyaga.

Ciîko 12:25

Na rîrîa Baranaba na Saûlo maarîkirie wîra wao Jerusalemu, nîmaacokire Antiokia marî na Johana ûrîa na rîîtwa rîngî wetagwa Maariko.

Ciîko 13:13

Nake Paûlo na arîa maarî nake nîmaathiîre marî îtarûrî kuuma Pafosi nginya magîkinya Periga vûrûrirî wa Pamufilia, kûrîa Johana Maariko aamatigire na agîcoka Jerusalemu.

Ciîko 13:5

Na rîrîa maakinyire Salamisi nîmaavunjirie kiugo Kîam Ngai mavoerorî ma Ayahudi. Nake Johana Maariko aarî vamwe nao arî mûtethia wao.

Ciîko 19:29

Kwoguo kûu îtûûrarî rîu rîonthe nîgwecûrire înegene. Nakîo kîrîndî nîkîanyitire Gaio na Arisitariko, andû aîrî a kuuma Makedonia arîa maathiîcanagia na Paûlo, na makîvinyûra nao nyombarî ya kwonanîrua mîthako.

Ciîko 20:4

Nao andû arîa maathiîcanirie nake maarî Sopateri mûrû wa Pirasi wa kuuma îtûûrarî rîa Berea; Arisitariko na Sekundu a kuuma îtûûrarî rîa Thesalonike; Gayo wa kuuma îtûûrarî rîa Deribe; Tukiko na Tirofimo a kuuma vûrûrirî wa Asia; na Timotheo.

Ciîko 27:2

Natue nîtwatwîre merirî îrîa yaumîte Adiramîtu na yagerie kûthiî matûûrarî mwanya mwanya ma marîa maarî na irûngamo cia meri gîcunjîrî Kîam Asia. Nake Arisitariko ûrîa warî wa kuuma îtûûrarî rîa Thesalonike vûrûrirî wa Makedonia, nîwathiîcanirie natue.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

Aroma 16:2

Mwamûkîreni nîûndû ke nîwîtîkîtie Mwathani, wata ûrîa andû a Ngai magîrîrwe nî kwamûkîrwa. Mûtethieni na kîrîa kîonthe angîvatara, nîûndû ke aanandethia na aanatethia andû eengî.

Aroma 16:7

Kethiani Anderoniko na Juniasi arîa Ayahudi wata nie na maarî njera vamwe nanie. Nîmecîkene mûno gatagatîrî ga atûmwa na nîmaatuîkire Akristiano mbere yakwa.

2Tim 4:11

Luka nîke tu tûrî nake. Oca Maariko mûke nake nîûndû nîmwagîrîru wa kûndungatagîra.

File 1:23

Epafara ûrîa twovetwe njera nake nîûndû wa kûvunjia ûvoro mwaro wîgiî Jesû Kristû nîwamûkethia.

File 1:24

Wana nîmwakethua nî andû arîa tûrutithanagia wîra nao, na nîo Maariko, Arisitariko, Dema na Luka.

1Pet 5:13

Kanitha wa Babuloni ûrîa wa naguo ûthuurîtwe nî Ngai, nîwamûkethia. Nginya Maariko mûvîcîwa, nîwamûkethia.