Akol 3:8 - ÎVUKU RÎA ÛVORO MWARO

⁸ Nwatî rîu nwanginya mûtigane viû na maûndû mama: marakara, mang'ûrîka, kwîgucanîra naaî, kûrumana na kwaranîria naaî.

Akol 3:8 ပူးပေါင်းရင်းမြစ်များ

Thaburi 37:8

Ndûkagîe na marakara kana ûnyitwe nî mang'ûrîka, Mûtigatangîke nîûndû nwagûtûme wîke ûndû mûcûku.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Nthi 19:19

Mûndû ûrakaraga na îvenya nwanginya akaaverithua, nîûndû ûngîmûruta thînarî, nwanginya ûkaamûruta kuo rîngî.

Nthi 29:22

Mûndû wa mang'ûrîka nîatûmaga kûgîe na ngucanio, na mûndû wa marakara nîatûmaga kûgîe na mathîna meengî.

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

1Akor 3:3

nîûndû wana rîu mûtûûraga wata ûrîa andû a gûkû nthî matûûraga. Rîrîa kûrî na wîru na ngarari gatagatîrî kenyu-rî, na kinthî ûndû ûcio ndwonanagia atî mue mûrî a gûkû nthî na mûtûûraga ta andû a gûkû nthî.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Agal 5:26

Tue ene, tûtiagîrîrwe nî gwîtîîa, kûrakara wana kana kwîgucanîra wîru.

Aefeso 4:22

Kwoguo tiganani viû na ûmûndû wenyu ûrîa mûkûrû ûrîa mûrethagîrwa mûrî naguo mbererî. Ûmûndû ûcio ûcûkîte nîûndû wa kûrûmîrîra merirîria ma kûveenania.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 4:26

Mûngîrakara, mûtigetîkîre marakara menyu matûma mwîvie na mûtigekare mûrakarîte mûthenya wonthe.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Aefeso 5:4

Mûtiagîrîrwe mwaragie mîario îrî na nthoni, ya îtherû rîcûku na ya ûrimû. Vandû va ûguo mwagîrîrwe nî gûcokagia ngatho kûrî Ngai.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Akol 3:9

Tigagani kûveenania, nîûndû nîmweyaûrire ûmûndû wenyu ûrîa mûkûrû wa vamwe na mîtugo yaguo

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

1Tim 1:20

Gatagatîrî ka andû acio, varî na Hîmenayo na Alekisanda. Aya nîo mverithîtie na njîra ya kûmanenganîra kûrî Caitani nîguo mathome atî matiagîrîrwe nî kûruma Ngai.

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Jakuvu 2:7

Itonga icio nwacio ciaragia ûvoro mûcûku wîgiî rîîtwa rîaro rîrîa mwîtanîtue narîo.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

2Pet 2:7

Nwatî Ngai nîwavonokirie Loti mûndû warî mûthingu. Loti aarî mûndû mûthingu. Ke nîwegwithagua kîeva nî mîtugo ya waganu ya andû arîa maareganaga na watho.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Juda 1:8

Na njîra wata îo, andû arîa matonyete gatagatîrî kenyu nîmacûkangagia mîîrî yao vîndî îrîa magîa na cioneki. Nao nîmanyararaga wathani wa Ngai na makaruma ciûmbe cia îgûrû irîa irî riiri.

Kûguû 16:9

Nao nîmaavîvirue nî ûrugarî wa riûa na makîruma Ngai ûrîa ûrî na wathani îgûrû rîa mavera mama. Nwatî nîmaaregire kwîrira na gûkumia ûnene wake.