Akol 3:22 - ÎVUKU RÎA ÛVORO MWARO

²² Mue ngombo, athîkagîrani athani enyu a gûkû nthî maûndûrî monthe. Tigagani kûmathîkagîra wa rîrîa mamûroretie atî nîguo mamwende, nwatî mathîkagîreni mûrî na ngoro ntheru nîûndû nîmûtîîte Mwathani.

Akol 3:22 ပူးပေါင်းရင်းမြစ်များ

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Nehemia 5:9

Kwoguo nînaugire atîrî, “Ûndû ûcio mûreka tî mwaro! Mwagîrîrwe nî kwathîkîra Ngai na mwîke ûrîa kwagîrîrîte. Na mweka ûguo tîmûva nthû cietû na nîo andû a ndûrîrî kamweke ga gûtûthekerera.

Thaburi 123:2

Taroria, wata ûrîa ndungata ciîvokete mwathi wacio, wata ûrîa ndungata ya mûndûmûka îîvokaga mwathi wayo wa mûndûmûka, nwaguo wanatue twîvokaga Ngai-Mûnene, Ngai wetû, nginya rîrîa agaatwîguîra ntha.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 5:7

Wana ethîrwa ûrî na iroto nyîngî na ûrute mawîra meengî ma mana na warie ciugo nyîngî, ûndû ûrîa mwagîrîru nî gûtîîa Ngai.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Mathaayo 6:22

“Metho nî ta taa ya mwîrî. Kwoguo ethîrwa metho maku nî maro, mwîrî waku wonthe ûkethagîrwa wîcûrîte ûtheri;

Mathaayo 8:9

Nie nîrî mûndû wî rungu rwa athani anene kûngîra, na nîrî na andû marî rungu rwa wathani wakwa. Nie nîmbîraga mûthigari ûmwe, ‘thiî’ nake nîathiîcaga; na nîmbîraga mûthigari wîngî, ‘ûka’ nake nîaûkaga. Nie nîmbîraga ngombo yakwa, ‘îka ûû’ nayo nîîkaga guo.”

Luka 6:46

“Nîndûî gîtûmaga mûmbîte, ‘Mwathani, Mwathani,’ na mûtiîkaga maûndû marîa nîmwîraga mwîke?

Luka 7:8

Nîûndû wa nanie nî mbathagwa, na ngacoka kwatha athigari akwa. Nî mbîîraga mûthigari ûmwe, ‘Thiî,’ nake akathiî, ngacoka ngera wîngî, ‘Ûka,’ nake agaûka. Na nginya ndungata yakwa nîmîraga, ‘Îka ûndû ûyû,’ nayo îgeka.”

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

Akol 3:20

Namue ciana, athîkagîrani aciari enyu vîndî cionthe, nîûndû ûguo nîguo ûkenagia Ngai.

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.

File 1:16

Na rîu ke tî ngombo tu, nwatî nîakîrîte ngombo; nî mûrû wa îthe wetû. Nanie nîmwendete mûno, nwatî we nîûkûmwenda mûno makîria nîûndû ke nî ngombo yaku na nî mûrû wa îthe wetû wîtîkîtie Mwathani.