Akol 3:13 - ÎVUKU RÎA ÛVORO MWARO

¹³ Kiranagîrîriani na mûkovanîra vîndî îrîa mwavîtanîria. Nwanginya mwovanagîre wata ûrîa Mwathani wa nake aamwoverete.

Akol 3:13 ပူးပေါင်းရင်းမြစ်များ

Nthi 19:11

Mûndû mûûgî ndarakaraga na îvenya, na rîrîa avîtîrua nîarekanagîra.

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Mathaayo 6:12

Twovere mevia marîa twîkîte, wata ûrîa twovagîra arîa matûvîtîrîtie.

Maariko 11:25

Rîrîa rîonthe mûrûngamîte mûkîvoya, ovagîrani andû onthe arîa mamûvîtîrîtie nîguo îthe wenyu ûrîa wî îgûrû wa nake amwovagîre mevia menyu.” [

Luka 11:4

na ûtwovagîre mevia metû, nîûndû wa natue nîtwovagîra andû onthe arîa matûvîtagîria. Na ndûgatûvire mageriorî.’ ”

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

Aroma 15:7

Kwoguo amûkanagîrani mûndû na ûrîa wîngî, wata ûrîa Kristû aamwamûkîre nîguo Ngai akumague.

2Akor 2:10

Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

2Akor 6:6

Na njîra ya ûtheru wetû, ûmenyo, ûkirîrîria, kwîgucanîra ntha, nîtwîyonanîtie atî tûrî ndungata cia Ngai. Twîkîte ûguo na njîra ya Roho Mûtheru, wendani wetû wa ma, na

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Aefeso 4:32

Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.