Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Akol 3:10 - ÎVUKU RÎA ÛVORO MWARO

10 na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

အခန်းကိုကြည့်ပါ။ ကော်ပီ




Akol 3:10
33 ပူးပေါင်းရင်းမြစ်များ  

Ûyû nîguo mûtaratara wa rûciaro rwa Adamu. (Rîrîa Ngai aaûmbire andû, aamaûmbire mavana take.


Nekagîra ûthingu ta nguo, kwonania kîvooto kwarî ta gwîkîra nguo ndaca na gwîkîra kîremba.


Nyûmbîra ngoro ntheru, we Ngai, na ûmbîkîre ngoro njerû na mbathîki.


Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.


Nîekîra ûthingu takwa arî guo ngo ya kwîgitîra kîthûri, na ekîre ûvonokio kîongorî gîake ta ngovia ya kûgitîra kîongo. Nîeîkîra wîrîvîrîria ta nguo, na eyove wîru ta mûcivi.


Nîngaamûva ngoro njerû na roho mûcerû. Nîngaamûthengutîria ngoro îrîa nyûmû ta îthiga na nîmûve ngoro mbathîki.


Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?


Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.


Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.


Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.


Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.


Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.


Rîrîa twavatithirue nîtwathikirwe vamwe na Kristû ûvororî wîgiî gîkuû gîake, nîguo atî wata ûrîa Kristû ariûkirue nî vinya ûrîa ûrî riiri wa îthe wanatue nwa tûgatûûra mûtûûrîre mûcerû.


Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.


Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.


Nîûndû wa gîtûmi gîkî tûtikucaga ngoro. Wana ethîrwa mwîrî ûyû wonekaga nî ûthiîcaga wa ûkîoraga, ûtûûro wetû wa kîîroho nî ûcerûvagua wa mûthenya wa mûthenya.


Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.


Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.


Mue arîa mûvatithîtue na mûgatuîka kîndû kîmwe na Kristû nîmûtuîkîte take.


Kûrua kana kûrega kûrua tî ûndû ûrî na vata mûno. Ûndû ûrîa ûrî na vata nî kwîthîrwa ûrî kîûmbe gîcerû.


Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.


Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.


Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.


Na maûndû mau monthe, endanagani nîûndû wendani nîguo ûgwatithanagia andû onthe na ngwatanîro nginyanîru.


Mavoya makwa nî atî ngwatanîro yetû namue tûrî ta etîkia, nîgûtûma tûtaûkîrwe waro nî irathimo cionthe irîa tûnyitaga nîûndû wa kwîthîrwa rûrî ûrûmwe na Kristû.


Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.


Ethîrwa nwa twathîkîre maathani ma Ngai nwa twîthîrwe tûrî na ûma atî nîtûmûmenyete.


Nwatî mûndû ûrîa wathîkagîra kiugo gîake nîethagîrwa na ma ecûrîtwe nî wendo wa Ngai. Tûngîvota kûmenya tûrî ngwatanîro na Ngai na njîra ta îno:


Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ