Akol 3:1 - ÎVUKU RÎA ÛVORO MWARO

¹ Mue nîmwariûkirue vamwe na Kristû kwoguo îriragîrieni kîrîa kîrî îgûrû, kûrîa Kristû ekarîte mwena wa ûrîo wa Ngai.

Akol 3:1 ပူးပေါင်းရင်းမြစ်များ

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Nthi 15:24

Njîra ya andû arîa aûgî îmaviraga mwoyorî, nîguo maûrîre gûtonya kwa arîa akuû.

Mûvunjia 10:2

Ngoro ya mûndû mûûgî îmûtongoragia gwîka maûndû maro, nwatî ngoro ya mûndû kîrimû nîkwa îmûvîtithagia.

Mathaayo 22:44

‘Ngai-Mûnene nîwerire Mwathani wakwa atîrî, Îkara nthî mwena wakwa wa ûrîo, nginya rîrîa ngaatûma ûthige nthû ciaku na magûrû maku.’

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Mathaayo 6:20

Îigagîreni ûtonga wenyu îgûrû, kûrîa gûtarî igunyû iûrîcaga, ûtarotaga ûgacûka, na gûtavunjagwa nî aîi makawîa.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Maariko 12:36

Daudi nîwavotithirue nî Roho Mûtheru kuga atî: ‘Ngai-Mûnene nîwerire Mwathani wakwa atîrî: Îkara nthî mwena wakwa wa njara ya ûrîo, nginya rîrîa ngaatûma ûthige nthû ciaku na magûrû maku.’

Maariko 14:62

Nake Jesû nîwamacokerie atîrî, “Îni, nînie ke. Na nîmûkoona Mûrû wa Mûndû ekarîte mwena wa ûrîo wa Ngai mwene vinya wonthe na agîûka arî matuurî ma îgûrû.”

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 20:42

Daudi ke mwene augîte îvukuurî rîa thaburi atî, ‘Ngai-Mûnene nîwerire Mwathani wakwa atîrî: Îkara nthî mwena wakwa wa ûrîo,

Luka 22:69

Nwatî kuuma rîu Mûrû wa Mûndû akethagîrwa ekarîte mwenarî wa ûrîo wa Ngai mwene vinya wonthe.”

Ciîko 2:34

Daudi tîke waunûkirie îgûrû; nwatî ke nîwaugire atîrî: ‘Mwathani nîwerire Mwathi wakwa atîrî: Îkara nthî mwena wakwa wa ûrîo

Ciîko 7:55

Nwatî Stefano ecûrîtwe nî Roho Mûtheru, nîwaroririe îgûrû akîona riiri wa Ngai na Jesû arûngamîte mwena wa ûrîo wa Ngai.

Aroma 8:34

Nû ûngîmatuîra atî nî evia? Gûtirî wana ûmwe. Jesû Kristû nîke wakuire na agîcoka akîriûka na arî njararî ya ûrîo ya Ngai. Ke nîke ûtûthaithanagîra kûrî Ngai.

Aroma 8:6

Kwathwa nî mwîrî kûretaga gîkuû, nwatî kwathwa nî Roho kûretaga mwoyo na thayû.

2Akor 4:18

Nîûndû meciria metû matirî kûrî indo irîa cionekaga nwatî marî kûrî indo irîa itonekaga. Indo irîa cionekaga itûûraga kavinda kanini, nwatî irîa itonekaga itûûraga tene na tene.

Aefeso 4:10

Kwoguo ke ûrîa wanyûrûrûkire gûkû nthî nwake wacokire kûthiî îgûrû mbere ya matu. Eekire ûguo nîguo ecûre nthî na îgûrû.

Aefeso 5:22

Mue aka, athîkagîrani athuuri enyu wata ûrîa mûngîathîkîra Mwathani.

Akol 2:20

Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Akol 3:2

Îciragieni ûvoro wîgiî kîrîa kîrî îgûrû, na tî kîrîa kîrî gûkû nthî.

Ahib 1:13

Ngai ndeera mûraika wanarî ûmwe wake atîrî: “Îkara nthî ava mwena wa njara yakwa ya ûrîo, nginya rîrîa ngaatûma nthû ciaku ituîke gaturwa ka magûrû maku.”

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 10:12

Nwatî Kristû nîwarutire îgongoona rîmwe rîa mevia rîrîa rîgûtûûra rîrutaga wîra tene na tene. Nîwacokire agîkara nthî mwenarî wa ûrîo wa Ngai.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 8:1

Rîu ûndû ûrîa ûrî na vata mûno îgûrû rîa maûndû marîa tûraria nî atî, tûrî na Mûthînjîri-Ngai mûnene ûrîa wîkaraga mwena wa ûrîo wa gîtî Kîam ûthamaki wa Ngai kûu îgûrû.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.