Akol 2:20 - ÎVUKU RÎA ÛVORO MWARO

²⁰ Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Akol 2:20 ပူးပေါင်းရင်းမြစ်များ

Johana 15:19

Mûngîrî a gûkû nthî, andû nwa mamwendete. Nwatî namûthuurire kuuma kûrî andû a gûkû nthî na kwoguo mue mûtirî a gûkû nthî. Kîu nîkîo gîtûmaga andû a gûkû nthî mamûmene.

2Akor 10:3

Nîûndû wana ethîrwa tûtûûraga gûkû nthî tûtirûaga mbaara ya gûkû nthî.

Agal 4:3

Na njîra wata îno, wana tue twarî ngombo cia maroho marîa mathanaga nthî mbere ya tûtuîka andû agima kîîroho.

Agal 6:14

Nie vakwa ngetîîaga nîûndû wa mûtharava wa Mwathani wetû Jesû Kristû. Nîûndû na njîra ya gîkuû Kîam Jesû Kristû mûtharavarî, kûrî nie maûndû ma nthî îno nî ta makuîte na nie mvana ta mûndû mûkuû maûndûrî ma nthî.

Aefeso 2:15

Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Akol 2:14

Nîwavutire mûtaratara wa thirî îrîa yonanîtue nî watho atî twarî tûrîve. Thirî îo nîwamîthengutirie viû vîndî îrîa aamîvûrîre mîcumarî mûtharavarî.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

Akol 2:21

“Ndûgoce irio ino,” “Ndûgacame irio icio,” “Ndûkavutie irio icio ciîngî”?

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

Akol 3:3

Nîûndû nîmwakwire na rîu mwoyo wenyu ûthithîtwe vamwe na Kristû kûrî Ngai.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.