Akol 2:16 - ÎVUKU RÎA ÛVORO MWARO

¹⁶ Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

Akol 2:16 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

1Maû 23:31

Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

2Maû 31:3

Mûthamaki nîwarutire kuuma ndîthiarî yake nyamû cia magongoona ma kûvîvua ma kîraûko na ma kîvwaî, cia magongoona ma kûvîvua ma mîthenya ya thavatû, cia gûkûngûîra irugorî cia mweri wacicûka na cia irugo irîa mbîtîkîrie wata ûrîa kwandîkîtwe wathorî wa Ngai-Mûnene.

Nehemia 10:31

Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

Nehemia 10:33

Tûkaarutaga mîgate îrîa mîamûre, matega ma irio cia mûgûndarî ma wa mûthenya na matega ma kûvîvua, matega ma thavatû, kîrugo Kîam mweri wacicûka, na irugo irîa ciîngî, indo irîa ntheru, matega ma kûtheria mevia ma andû a Isiraeli, na ma wîra wonthe wa hekarû.

Nehemia 8:9

Rîrîa andû onthe meegwire ûrîa watho waugire nîmaambîrîrie kûrîra. Nehemia ûrîa warî mûnene, Ezira mûthînjîri-Ngai na mwandîki, na Alawi arîa maathomithagia andû watho nîmaacokire makîra andû onthe atîrî, “Ûmûnthî nî mûthenya mûtheru wa Ngai-Mûnene, Ngai wenyu. Kwoguo mûtikaarîre kana mwîgue kîeva.

Thaburi 42:4

Ngoro yakwa nîthiragwa nî vinya rîrîa naririkana, ûrîa twathiîcaga na andû eengî, naamatongoragia makathiî gûtonya nyombarî ya Ngai, andû maakenete makinaga nyîmbo cia gûkumia Ngai maugîrîrîtie.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Isaia 1:13

Mûtikarete matega matarî na vata kûrî nie. Ûbani ûrîa mûvîvagia nî mûgiro kûrî nie. Ndikwenda mûkûngûagîre Kîamthî Kîam mweri ûgîcicûka, thavatû na igomano cia mavoya; nîûndû cionthe ciîcûrîtwe nî mevia.

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Alawi 16:31

Ûcio nî mûthenya mwamûre, ûrîa andû magîrîrwe nî kwînyerekia na matikarute wîra wanarî ûrîkû. Mawatho mama nî matûûra marûmagîrîrwa.

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Mathaayo 15:11

Kîndû kîrîa gîtonyaga kanyuarî ka mûndû tîkîo gîtûmaga agîe na gîko, nwatî nî kîndû kîrîa kiumaga kanyuarî ka mûndû gîtûmaga agîe na gîko.”

Maariko 7:19

nîûndû gîtitonyaga ngororî yake, nwatî gîtonyaga îvurî rîake na gîgacoka gîkauma. (Na rîrîa Jesû aaugire ûguo, nîwatuire irio cionthe ntheru cia kûrîwa.”)

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Aroma 14:10

Nîndûî gîtûmaga mûtuîre andû arîa engî? Nîndûî gîtûmaga mûnyarare aamûrûwanyûkwe? Tuonthe nîtûkaarûngama mbere ya Ngai na nîke ûgaatûtuîra.

Agal 4:10

Nîmûtuîte mîthenya îmwe, mîeri, imera, na mîaka ya vata makîria.

Akol 2:20

Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.

1Sam 20:18

Jonathani nîwacokire akîîra Daudi atîrî, “Rûyû nîrîo kîrugo Kîam karûngamo ka mweri na nîgûkaamenyekana atî we ndûrî kuo.

1Sam 20:5

Daudi nîwacokirie atîrî, “Rûyû nîrîo kûrî na kîrugo gîa karûngamo ka mweri na mbagîrîrwe nî kûrîcanîra na mûthamaki. Nwatî tiga nthiî ngethithe nginya kîvwaî Kîam mûthenya wa kathatû.