Akol 1:23 - ÎVUKU RÎA ÛVORO MWARO

²³ Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 1:23 ပူးပေါင်းရင်းမြစ်များ

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Maca 3:66

We Ngai-Mûnene, marûmîrîre ûrî na marakara, ûmaûrage ûmathirie nthî.”

Ezek 18:26

Rîrîa mûndû mûthingu agarûrûka na atiga ûthingu wake na agîka maûndû matarî ma kîvooto, nî agaakua nîûndû wa maûndû mau. Agaakua nîûndû wa maûndû mau matarî ma kîvooto ekîte.

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Luka 6:48

Ekariî ta mûtumi wa nyomba ûrîa wambire kwînja mûcingi mûrikîru na akîûthondeka rûciararî. Vîndî îrîa rûnjî rwaunire manjî maruo nîmaaringire nyomba îo na vinya, nwatî matiaminainia nîûndû yarî ndume waro.

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Ciîko 1:17

Judasi ûcio aarî ûmwe wa gîkundi gîkî gîetû wathuurîtwe na warutithanagia wîra natue.”

Ciîko 1:25

wa gûtungata arî mûtûmwa vandûrî va Judasi ûrîa watûtigîre na nîwacokire akîthiî varîa vamwagîrîrîte.”

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 2:5

Kûu Jerusalemu nîgwatûûraga Ayahudi maaumîte mavûrûri monthe ma nthî. Andû acio maarî avoi Ngai.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 26:16

Nwatî ûkîra ûrûngame na magûrû maku. Nie nakumîrîra nîrî na mworoto wa gûkûthuura nîguo ûtuîke ndungata yakwa na mûira wakwa. We ûkeeraga andû arîa engî ûrîa wona ûmbîgiî ûmûnthî na maûndû marîa ngaakwonia vuvarî.

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 5:5

Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 4:11

Nîmûmakîtie mûno! Nwa gûtuîkîke atî wîra wakwa wonthe ûrîa naamûrutîre warî wa mana?

Agal 5:5

Tue twîthagîrwa tûrî na mwîvoko atî Ngai nîagaatûtua athingu. Ûndû ûcio nîguo twîthagîrwa twetererete tûrî na wîtîkio na tûvotithîtue nî Roho wa Ngai.

Agal 5:7

Nîmwathiîte na mbere waro mûno! Nû wamûgiririe kwathîkagîra ûvoro ûrîa wa ma?

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 2:21

Ke nîke ûtûmaga nyomba îo yonthe îgwatane vamwe na îneneve îtuîke hekarû ntheru îtegeretwe Mwathani.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Aefeso 4:16

Nîûndû wa vinya wake, ciîga cionthe cia mwîrî nîinyitithanîtue vamwe, na mwîrî wonthe ûkovanua nî marûngo marîa ûvetwe. Kwoguo vîndî îrîa wa kîîga Kîamruta wîra wakîo na njîra îrîa yagîrîrîte, mwîrî wonthe nîûkûraga na ûkagîa na vinya ûrî na wendani.

Gûco 2:25

Kuuma ûmûnthî nîngûtûma andû onthe mamwîtigîre. Andû a nthî yonthe makegucaga mwagwetwa makainaina nî guoya.’

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Akol 1:25

Ngai anduîte ndungata ya kanitha na akamva wîra ûyû nîûrute nîûndû wa wagîrîru wenyu. Wîra ûyû wa kûvunjia ndûmîrîri yake na njîra îno mbîcûru, nîyo

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

1Ath 3:3

nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.

1Ath 5:8

Nwatî tûrî andû a mûthenya. Kwoguo nîtwagîrîrwe nîgwîkara twîîguîte. Twagîrîrwe nîgwîkîra wîtîkio na wendani nîguo ituîke ta ngo ya cuuma ya kûgitîra kîthûri, na tûgîe na mwîrîgîrîro wa kûvonoka ûrî ta ngovia ya cuuma twîkîrîte ya kûgitîra kîongo.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

1Tim 2:7

na nîwatûmire nduîke mûtûmwa kûrî andû a ndûrîrî, nîguo mvunjie na nîmathomithie maûndû megiî wîtîkio na ûma. Ûndû ûrîa narîkia kwaria nî wa ma ndirathaana.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Tito 3:7

nîguo tûtuwe athingu nî Ngai nîûndû wa wega wake na tûgîe na kîîrîgîrîro Kîam mwoyo wa tene na tene.

Ahib 10:38

Mûndû wa wonthe mûthingu nîagaatûûra mwoyo nîûndû wa gwîtîkia, nwatî ethîrwa nwa acoke na vuva ndingîkenua nîke.”

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 6:19

Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.