Akol 1:13 - ÎVUKU RÎA ÛVORO MWARO

¹³ Ngai nîke watûtethûrire agîtûruta maavinyarî ma nduma na agîtûkinyia ûthamakirî wa Mûriû wake mwende atûmenyererete.

Akol 1:13 ပူးပေါင်းရင်းမြစ်များ

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Isaia 60:2

Taroria nduma nîgaakunîka nthî, na nduma ndumanu îkunîke andû; nwatî Ngai-Mûnene nîagaakûmûrîkîra, na riiri wake nîûkooneka îgûrû rîaku.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Luka 13:24

“Geragiani mûno gûtonyerera mûromorî ûrîa mûceke. Nîûndû nîramwîra na ma atî, andû eengî nîmakaageria gûtonya na matikaavota.

Luka 22:53

Mûthenya wa mûthenya nîrethagîrwa nîrî namue hekarûrî na mûtiranyitaga. Nwatî gaka nîko kavinda kenyu ga gwîka ûrîa mwîcirîtie gwîka mûtongoretue nî vinya wa nduma.”

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 3:35

Îthe nîwendete Mûriû wake na nîatûmîte agîe na wathani îgûrû rîa maûndû monthe.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

2Akor 11:14

Ûndû ûyû ndûtûmakagia! Wana Caitani nîwîgarûraga onekane ta mûraika wa ûtheri.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

2Pet 1:11

Na njîra îno nîmûkaamûkîrwa na ûtaana ûthamakirî wa tene na tene, wa Mwathani na Mûvonokia wetû Jesû Kristû.

1Joh 2:8

Nwatî nîramwandîkîra rîathani rîcerû na Mesaya nîwonanîtie atî ûndû ûcio nî wa ma na wanamue nîmwonanîtie wa guo. Nîûndû nduma nî îrathira, naguo ûtheri ûrîa wa ma nî ûramûrîka.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.