Ahib 9:8 - ÎVUKU RÎA ÛVORO MWARO

⁸ Na njîra îno, Roho Mûtheru nîonanagia atî rîrîa rîonthe îgema rîa nja rîrî vo, njîra ya kûthiî vandû varîa vatheru Mûno tî mvingûre.

Ahib 9:8 ပူးပေါင်းရင်းမြစ်များ

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Luka 1:80

Nake mwana ûcio nîwakûrire na roho wake ûkîgîa na vinya. Eekarire werûrî nginya mûthenya ûrîa eyonanithirie kûrî andû a Isiraeli.

Johana 10:7

Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.

Johana 10:9

Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Ciîko 28:25

Kwoguo nîmaakararanirie na makîambîrîria kuuma kûu rîrîa Paûlo aarîkirie kûmeera ûndû ûyû ûmwe: “Roho Mûtheru nîwavere methe menyu ma tene ûvoro wa ma na njîra ya mûrathi Isaia,

Agal 3:8

Mandîko matheru nîmoonanirie na vau kavere atî Ngai nîagaatua andû a Ndûrîrî athingu nîûndû wa gwîtîkia. Kwoguo Iburahimu nîwamenyithirue na njîra ya ûvoro mwaro atî: “Andû a Ndûrîrî cionthe nîmakaarathimwa nîûndû waku.”

Aefeso 2:18

Na njîra ya Kristû, tuonthe Ayahudi na andû a Ndûrîrî nîtûvotithagua nî Roho ûmwe gûkinya kûrî Vava wetû.

Ahib 10:15

Nake Roho Mûtheru nî atûvecaga ûira wake. Mbere aaugire atîrî,

Ahib 3:7

Kwoguo wata ûrîa Roho Mûtheru augîte atîrî, “Ûmûnthî mûngîgua mûgambo wa Ngai,

Ahib 9:3

Vuva wa gîtambaa gîa kaîrî kûu îgemarî ndaarî kwarî na îgema rîrîa rîetagwa “Vandû varîa vatheru Mûno.”

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.