Ahib 9:7 - ÎVUKU RÎA ÛVORO MWARO

⁷ Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.

Ahib 9:7 ပူးပေါင်းရင်းမြစ်များ

2Sam 6:7

Nake Ngai-Mûnene nîwarakarirue nî Uza na akîmûraga nîûndû wa gûturîra îthandûkû rîa kîrîkanîro gîtîîo. Uza aakwîrîre vau vakuvî na îthandûkû rîa kîrîkanîro Kîam Ngai.

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Ntha 30:10

Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Isaia 3:12

Andû akwa makaavinyagîrîrua nî ciana na aka mamathage. Mue andû akwa, atongoria enyu nî maramûvîtithia, makamwagagia nîguo mûvîtie njîra îrîa mûkûthiîra.

Isaia 9:16

Atongoria a andû aya nîmamavîtithîtie, nao arîa matongoragua nî andû aya nîmaûrîte.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Alawi 16:34

Mawatho mama nîmatûûra marûmagîrîrwa. Mambura mama nwanginya marûthagwe riita rîmwe wa mwaka nî mûthînjîri-Ngai nîûndû wa kûtheria mevia monthe ma andû a Isiraeli.” Kwoguo Musa nîwekire wata ûrîa Ngai-Mûnene aathanîte.

Alawi 5:18

Nwanginya akaavirîra mûthînjîri-Ngai ndûrûme îtarî na wonje kuuma ndîthiarî yake îrî îtega rîa kûthiria wîvia. Naguo thogora wayo wîthîrwe ûrî mwîgana wa kîthimi kîrîa gîtîkîrîku. Mûthînjîri-Ngai nîakaaruta îgongoona rîa kûthiria wîvia ûrîa mûndû ûcio ekîte atakûmenya, na mûndû ûcio nîakooverwa.

Amosi 2:14

Andû arîa marî îvenya mûno matikoona gwa kûûrîra, andû arîa marî vinya mwîngî nîmakaathirwa nî vinya, na athigari matikaavota kûvonokia mîoyo yao.

Ndari 15:25

Mûthînjîri-Ngai nîakaarûtha mambura ma kûtheria andû onthe a Isiraeli, na nîmakooverwa nîûndû meevirie matakûmenya, na nîarutu îtega rîa kûvîvua na îtega rîa kûtheria mevia kûrî Ngai-Mûnene nîûndû wa mevia mao.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Ahib 10:3

Nwatî magongoona marîa marutagwa mwaka wa mwaka, maririkanagia andû mevia mao.

Ahib 6:19

Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.

Ahib 9:3

Vuva wa gîtambaa gîa kaîrî kûu îgemarî ndaarî kwarî na îgema rîrîa rîetagwa “Vandû varîa vatheru Mûno.”