Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ahib 9:27 - ÎVUKU RÎA ÛVORO MWARO

27 Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

အခန်းကိုကြည့်ပါ။ ကော်ပီ




Ahib 9:27
28 ပူးပေါင်းရင်းမြစ်များ  

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”


Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.


Mîthenya ya mûndû gûtûûra mwoyo nî mîtare, na nîwicî mîeri îrîa agûtûûra mwoyo; na ndangîvîtûkia îvinda rîrîa ûmwigîrîte rîa gûtûûra.


Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.


Nîmbicî atî ûmvirîte gîkuûrî, kûrîa andû arîa marî mwoyo mathiîcaga.


Nî mûndû ûrîkû ûngîtûûra mwoyo na ndakue? Nî mûndû ûrîkû ûngîîrigîrîria gûkua?


We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.


Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.


Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.


Kûrî kavinda ga gûciarwa na kavinda ka gûkua, kavinda ga kûvanda na kavinda ga gûketha.


Andû wana nyamû ciaumire mûtheturî. Andû magaacoka mûtheturî wana nyamû igaacoka mûtheturî rîngî.


Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.


Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.


Na mûthiiarî mûndûmûka ûcio wa nake nîwakuire.


nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”


Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.


Mevia maatonyire nthî na njîra ya mûndû ûmwe na makîrete gîkuû. Kwoguo gîkuû nîgîecûrire kûrî andû onthe a nthî nîûndû andû onthe nîmeevirie.


Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.


Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.


Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:


Vandû va ûguo ûndû ûrîa ûtigarîte nî gweterera tûrî na guoya îtuîro na mwaki mûnene ûrîa ûkaathiria arîa makararagia Ngai.


Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.


Gîtûmi Kîam wendo wîthîrwe ûrî mûkinyanîru ndaarî yetû nî atî nîguo tûkaagîa na ûmîrîru rîrîa mûthenya wa gûtuîrwa ûgaakinya. Tûkaagîa na ûmîrîru nîûndû wata ûrîa Kristû eekariî arî gûkû nthî, nwaguo wanatue twîkariî.


gûtuîra andû onthe. Ke nîakaaverithia arîa onthe matarî na ûngai, nîûndû wa ciîko cionthe njûku maneka, na averithie evia arîa onthe manaria ciugo njûku cia gûcambithia Mwathani!”


Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ