Ahib 9:24 - ÎVUKU RÎA ÛVORO MWARO

²⁴ Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Ahib 9:24 ပူးပေါင်းရင်းမြစ်များ

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Ntha 28:12

Ûnyitithanie mathiga mau ma goro na tûmîcivi twa gûcuria ituro twa efodi nîguo methagîrwe marûngamîrîrîte mîvîrîga îrîa îkûmi na îîrî ya Isiraeli. Aroni agaakuuaga marîîtwa mau na ituro ciake arî mbere ya Ngai-Mûnene nîguo Ngai-Mûnene amaririkanage.

Ntha 28:29

“Vîndî îrîa Aroni agaatonya vandû varîa vatheru, nîakethîrwa ekîrîte nguo ya kîthûri yandîkîtwe marîîtwa ma avîcî a Isiraeli, nîguo Nie, Ngai-Mûnene ndirikanage andû akwa vîndî cionthe.

Zakaria 3:1

Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Maariko 14:58

“Nîtwamwîguire akiuga atîrî, ‘Nie nîngwomomora hekarû îno îthondeketwe nî andû, na vuva wa mîthenya îthatû njoke ndume îngî, îrîa îtathondeketwe nî andû.’ ”

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Luka 24:51

Na vîndî îrîa aamarathimaga, nîwamatigire na akîambatua îgûrû.

Johana 16:28

Nie naumire kûrî Vava na ngîûka gûkû nthî na rîu nînguuma gûkû nthî njoke kûrî Vava.”

Johana 6:62

Î narîo mûkona Mûrû wa Mûndû akiunûkia acokete kûrîa aarî mbererî?

Ciîko 3:21

Nwatî Jesû nwa nginya ekare îgûrû nginya rîrîa kavinda gagaakinya ka maûndû monthe gûtuîka macerû. Kavinda kau nîko Ngai ke aaririe kuuma tene na njîra ya tûnyua twa arathi ake atheru.

Aroma 8:33

Nû ûngîona ûndû wa kûthitanga andû arîa Ngai athuurîte? Ngai ke mwene nîamatucaga athingu.

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Akol 3:2

Îciragieni ûvoro wîgiî kîrîa kîrî îgûrû, na tî kîrîa kîrî gûkû nthî.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 6:20

Nake Jesû nîmûtonyu vo vandûrî vetû na nîmûtuîku Mûthînjîri-Ngai ûrîa mûnene wa tene na tene wata Melikizedeki.

Ahib 8:2

Ke atungataga ta Mûthînjîri-Ngai ûrîa mûnene varîa vatheru Mûno îgemarî rîa ma rîrîa rîathondekirwe nî Mwathani nwatî tî mûndû.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”

Ahib 9:1

Kîrîkanîro Kîam mbere Kîamrî na mawatho megiî kûgooca Ngai na vandû vatumîtwe nî andû va kûgoocagîra gûkû nthî.

Ahib 9:23

Kwoguo kwarî na vata indo irîa ivuana irîa irî îgûrû itherue na njîra ya magongoona mau. Nwatî indo cio mene irîa irî îgûrû nî ivatarîte mûno kûtherua na magongoona maro gûkîra mau.

Ahib 9:9

Gîkî nî kîonereria Kîam îvinda rîîrî tûrî. Maûndû mama monthe monanagia atî iveo na magongoona ma nyamû marîa tûrutagîra Ngai matingîvota gûtûma thamiri ya mûndû ûrîa ûragooca Ngai îtuîke nginyanîru.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.