Ahib 9:2 - ÎVUKU RÎA ÛVORO MWARO

² Kwarî na îgema rîatumîtwe na rîkagaûkanua maita maîrî. Vandû va mbere vetagwa vandû varîa vatheru. Ndaarî ya vo vaarî na vandû va kwigîrîrwa taa na metha îrî na mûgate wa kûrutîra Ngai îgongoona.

Ahib 9:2 ပူးပေါင်းရင်းမြစ်များ

Ntha 25:23

“Tuma metha ya mîtî ya mûgaa ya ûraca wa cendimita mîrongo înana na inyanya (88) na wariî wa cendimita mîrongo îna na inya (44) na ûraca na îgûrû wa cendimita mîrongo îtandatû na ithathatû (66).

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Ntha 25:31

Ngai-Mûnene nîwacokire akîra Musa atîrî, “Rûtha vandû va kwigîrîrwa taa na ûvarûthe na thaavu ntheri. Gîtina Kîam vandû vau va kwigîrîrwa taa na gîtugî gîa kûvanyitîrîra ciîthîrwe irî cia gûturwa na thaavu. Maûa marîa magemetie vandû vau va kwigîrîrwa taa methîrwe manyitanîte vamwe na tûmîrûri na makoni.

Ntha 26:1

Ngai-Mûnene nîwacokire akîra Musa atîrî, “Ûgaatuma îgema rîa gûcemanîrua na itambaa îkûmi cia nguo ya vamba itumîtwe na ndigi cia rangi ya vururu, njambarawe, na rangi îno ndune. Gîtambaa kîu kîgemue na wara na mîvuanano ya akerubi.

Ntha 26:33

Curia gîtambaa kîu mbatharî irîa irî îgemarî îgûrû, na vuva wa gîtambaa wige îthandûkû rîa kîrîkanîro rîrîa rîrî na ivengere igîrî cia mathiga. Gîtambaa gîkaagaania îgema maita maîrî: vandû varîa vatheru na vandû varîa vatheru Mûno.

Ntha 26:35

Nja ya vandû varîa vatheru Mûno, ûkaaiga metha vakuvî na rûthingo rwa mwena wa rûgûrû rwa îgema. Naguo mwena wa îveti wa îgema wige vandû va kwigîrîrwa taa.

Ntha 29:1

“Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

Ntha 29:35

“Ûkaamûra Aroni na avîcî ake îvinda rîa mîthenya mûgwanja, na wa mûthenya ûcokagîre wa ûguo nakwatha.

Ntha 40:2

“Mûthenya wa mbere wa mweri wa mbere ûkaarûngamia îgema rîa Ngai-Mûnene.

Ntha 40:4

Ûkaareta metha na ûvange indo ciayo waro îgûrû rîayo, na ûkaareta vandû va kwigîrîrwa taa na wigîrîre taa icio îgûrû rîa vo.

Mathaayo 12:4

Aatonyire nyombarî ya Ngai, na ke vamwe na andû arîa maarî nake nîmaarîre mîgate îrîa yarutîrîtwe Ngai, wana ethîrwa Watho ndwametîkîrîtie mamîrîe. Mîgate îo yagîrîrwe nî kûrîwa nî athînjîri-Ngai onga.

Mathaayo 5:15

Gûtirî mûndû ûgwatagia taa na akamîkunîkîra na ndeve. Nwatî mûndû agwatagia taa, na akamigîrîra vandû îgûrû nîguo ûtheri wayo ûtherere andû onthe arîa marî kûu nyomba.

Ahib 9:25

Kristû ndaatonya vandû varîa vatheru Mûno nîguo erute maita meengî ta ûrîa Mûthînjîri-Ngai mûnene wa Kîyahudi aatonyaga kuo mwaka wa mwaka akuuîte nthakame ya nyamû.