Ahib 9:10 - ÎVUKU RÎA ÛVORO MWARO

¹⁰ Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.

Ahib 9:10 ပူးပေါင်းရင်းမြစ်များ

Ntha 29:4

“Ûcoke ûrete Aroni na avîcî ake mûromorî wa îgema rîa Ngai-Mûnene na ûmeere methambie na manjî.

Ntha 40:12

“Ûcoke wîre Aroni na avîcî ake maûke mûromorî wa îgema rîa Ngai-Mûnene na methambie na manjî,

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Alawi 13:58

Nwatî angîthambia nguo îo na gîko kîu kîrege kwoneka rîngî, nîakaamîthambia riita rîa kaîrî na nîkaathera.”

Alawi 16:24

Nwanginya akeethambîria vandûrî varîa vatheru na ekîre nguo ciake. Vuva wa ûguo, nîakaauma na arute îtega rîa kûvîvua nîûndû wa kûtheria mevia make ke mwene na arute îtega rîa kûvîvua nîûndû wa kûtheria mevia ma andû.

Alawi 16:4

“Ngai-Mûnene nîwacokire akîvecana mawatho mama marûmîrîrîte. Mbere ya Aroni atonya vandû varîa vatheru Mûno, nwanginya ambage kwîthambia na agekîra nguo cia ûthînjîri-Ngai. Nacio nî: nguo ndaca, thuruvarî, mûcivi, na kîremba.

Alawi 22:6

Mûthînjîri-Ngai wa wonthe ûngîvûrûria kîndû wanarî kîmwe gîa icio nîakethîrwa atarî mûtheru nginya kîvwaî na ndagîrîrwe nî kûrîa matega marîa matheru atambîte kwîthambia.

Ndari 6:3

ndagîrîrwe nî kûnyua ndivei na njovi. Ndagîrîrwe nî kûnyua thiki yumîte kûrî ndivei kana njovi, wana kana anyue manjî ma thavibu, kana arîe thavibu îrî nyûmithie kana îtarî nyûmithie.

Maariko 7:4

Nao nîmaarûmagîrîra mîtugo îngî mîîngî ta ya kûthambia ikombe, nyûngû, na mbakûri cia gîcango.

Agal 4:9

Nwatî rîu nîûndû nîmûmenyanîte na Ngai, kana mbuge Ngai nîamenyanîte na mue, nîkî kîratûma mûcokerere maroho marîa matarî vinya na matarî vata? Mûrenda gûtuîka ngombo cia maroho mau rîngî nîkî?

Aefeso 1:10

Mûvango ûrîa Ngai akaavingia kavinda karîa kagîrîru gakinya, nî wa gûcokanîrîria indo cionthe irîa irî îgûrû na irî nthî, na Kristû ethîrwe arî ta ke kîongo.

Aefeso 2:15

Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Gûco 21:6

Nao atongoria onthe a îtûûra arîa marî vakuvî na mûndû ûcio ûragîtwe, nîmakethambîria njara îgûrû rîa njaû îo yunîtwe ngingo.

Gûco 23:11

Gûgîkinya kîvwaî nîakethambia na manjî, na riûa rîathûa nîagaacoka kûu mwambîte magema.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 2:5

Ngai ndaatua araika athani a nthî îrîa îgaaûka îrîa tûraria ûvoro wayo.

Ahib 6:2

Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

Ahib 6:5

Nîmamenyete atî kiugo Kîam Ngai nî Kîamro vamwe na kûgîa na vinya wa kûmenya vîndî îrîa Ngai akaathana.

Ahib 7:12

Kwoguo ûthînjîri-Ngai ûngîcenjua nwanginya watho wa naguo ûcenjie.

Ahib 7:16

Ke aatuirwe mûthînjîri-Ngai nîûndû wa vinya wa mwoyo wake ûrîa ûtathiraga, nwatî tî na njîra ya mawatho marîa mathondeketwe nî andû.

Ahib 9:1

Kîrîkanîro Kîam mbere Kîamrî na mawatho megiî kûgooca Ngai na vandû vatumîtwe nî andû va kûgoocagîra gûkû nthî.