Ahib 8:5 - ÎVUKU RÎA ÛVORO MWARO

⁵ Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”

Ahib 8:5 ပူးပေါင်းရင်းမြစ်များ

1Maû 28:12

Nîwamûnengere mûvano wonthe ûrîa warî meciriarî make nîûndû wa ivaaro cia hekarû na tûnyomba tuonthe tûrîa twathiûrûrûkîrîtie hekarû, tûnyomba tûrîa twaigagwa indo cia hekarû na indo irîa ciamûrîrîtwe Ngai-Mûnene.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

Ntha 25:40

Menyerera ûrûthe indo icio cionthe kûringana na ûrîa naakwonirie ciîkariî rîrîa warî kîrîmarî.”

Ntha 25:9

Ûrîtume wa vamwe na indo cia gwîkîrwa kuo kûringana na ûrîa ngûkwonia.

Ntha 26:30

Ûgaatuma îgema kûringana na ûrîa wataarîrue ûvoro warîo ûrî kîrîmarî.

Ntha 27:8

Ûkaarûtha metha ya kîgongoona na mbaû ta îthandûkû rîtarî îkunîke. Ûkaamîrûtha kûringana na ûrîa naagûtarîrie ûrî kîrîmarî.

Ndari 8:4

Vandû vau va kwigîrîrwa taa vaarûthîtwe na thaavu ya gûturwa kuuma nthî nginya îgûrû wata ûrîa Ngai-Mûnene oonetie Musa.

Mathaayo 2:12

Nao andû acio nîmaakaanirue nî Ngai marî kîrotorî makîrwa matigaacokerere kwa Herode. Kwoguo nîmaacokire vûrûrirî wao na njîra îngî.

Ciîko 7:44

Methe metû ma tene maarî na îgema rîa kwonania atî Ngai aarî vamwe nao werûrî. Ngai nîwerire Musa ûrîa akûthondeka îgema rîu na Musa akîrîthondeka kûringana na ûrîa Ngai aamwonetie.

Akol 2:17

Maûndû mama monthe nî iruru cia maûndû marîa mageekîka vuvarî, nwatî Kristû nîke ûma.

Ahib 10:1

Watho nî kîruru Kîam maûndû marîa maro magaaûka, nwatî tî mûvianîre wa ma wa maûndû mau. Magongoona mau nîmarutagwa mwaka wa mwaka. Kwoguo Watho na njîra ya magongoona mau ndûngîvota gûtua andû arîa mathiîcaga kûrî Ngai akinyanîru.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 13:10

Athînjîri-Ngai arîa matungataga varîa Ayahudi magoocagîra, matirî na rûtha rwa kûrîa kîndû wana kîrîkû kîrîa gîtegagwa metharî yetû ya kîgongoona.

Ahib 9:9

Gîkî nî kîonereria Kîam îvinda rîîrî tûrî. Maûndû mama monthe monanagia atî iveo na magongoona ma nyamû marîa tûrutagîra Ngai matingîvota gûtûma thamiri ya mûndû ûrîa ûragooca Ngai îtuîke nginyanîru.

Josh 22:28

Tweciragia atî ethîrwa ûndû ûcio nîûgekîka, njiarwa cietû nîikaauga atî, ‘Taroria! Methe metû maatumire metha ya kîgongoona îkariî ta metha ya Ngai-Mûnene ya kîgongoona. Ndîarî ya kûrutîra matega ma kûvîvua kana ya kûrutîra magongoona, nwatî maamîtumire ûrî ûndû wa kwonania atî wanatue tûrî a Ngai-Mûnene’.

Kûguû 15:5

Vuva wa ûguo, nînaroririe, na ngîona hekarû ya îgema rîa ûira îrîa îrî îgûrû îvingûrîtwe.