Ahib 7:2 - ÎVUKU RÎA ÛVORO MWARO

² Nake Iburahimu nîwamûgaîre gîcunjî gîa îkûmi Kîam indo ciake cionthe cia indo irîa aatavîte. (Mbere rîîtwa Melikizedeki, nî kuga, “Mûthamaki wa Ûthingu.” Na nîûndû aarî mûthamaki wa Salemu, Melikizedeki nî kuga, “Mûthamaki wa thayû.”)

Ahib 7:2 ပူးပေါင်းရင်းမြစ်များ

Kîam 28:22

Îthiga rîîrî rîa kîririkano navanda, rîkethagîrwa rîrî nyomba yaku ya kûgoocagîrwa. Ngaakûvecaga gîcunjî gîa îkûmi gîa kîrîa kîonthe ûkaamvecaga.”

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Maû 22:9

Ngai-Mûnene nîwambîrire atî, nîngaagîa na mwana wa kavîcî na akethîrwa arî mûndû wa thayû. Nîakaagîa na thayû kuuma kûrî nthû ciake cionthe irîa ikethîrwa imûthiûrûrûkîrîtie. Rîîtwa rîake ageetagwa Solomoni na nîakaava Isiraeli thayû rîrîa akethîrwa arî mûthamaki.

Thaburi 72:7

Ûthingu ûrothiî na mbere ûtûûrorî wake wonthe, na kûgîe na thayû tene na tene.

Alawi 27:32

Nyamû îmwe gatagatîrî ka nyamû îkûmi nî ya Ngai-Mûnene. Rîrîa nyamû igûtarwa, nyamû yonthe ya îkûmi nî ya Ngai-Mûnene.

Mika 5:5

nake nî akaareta thayû. Rîrîa andû a Asîria makaatharîkîra vûrûri wetû; na momomore nyomba cietû cia kwîgitîra, nîtûgaatûma atongoria etû arîa marî vinya makarûe nao.

Ndari 18:21

Ngai-Mûnene nîwaugire atîrî, “Nîmvete Alawi icunjî cionthe cia îkûmi irîa andû a Isiraeli mandutagîra irî îgai rîao rîtuîke îrîvi rîao nîûndû wa gûtungata îgemarî rîa Ngai-Mûnene.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Aroma 3:26

Nwatî rîu mavindarî mama Ngai nîwovanagîra mevia na akonania ûrîa ke arî mûthingu na nîatucaga andû onthe arîa metîkîtie Jesû athingu.

Ahib 7:1

Melikizedeki aarî mûthamaki wa Salemu, na aarî mûthînjîri-Ngai wa Ngai Ûrîa ûrî îgûrû mûno. Rîrîa Iburahimu aaumaga mbaararî arîkia kûvoota athamaki arîa ana, Melikizedeki nîwamûtûngire na akîmûrathima.

Ahib 7:3

Melikizedeki ndaarî îthe, ng'ina, ndaarî rûciaro rwake, gûtirî mûndû wîcî rîrîa Melikizedeki aaciarirwe kana rîrîa aakwire. Ekariî ta Mûriû wa Ngai na nîatûûra arî mûthînjîri-Ngai nginya tene na tene.

1Sam 8:15

Ke nîagecûkia gîcunjî gîa îkûmi gîa mbeû cienyu wana cia mîgûnda yenyu ya mîthavibu na aivecane kûrî anene a athigari ake na kûrî ndungata ciake.

1Sam 8:17

Ke nîagecukagia gîcunjî gîa îkûmi Kîam ndîthia ya ng'ondu cienyu, namue mûtuîke ngombo ciake.