Ahib 6:4 - ÎVUKU RÎA ÛVORO MWARO

⁴ Andû arîa matiganîrîtie wîtîkio wao nî vinya kûmagarûra nîguo mavere. Nîûndû nîmonete ûtheri na magacama kîveo Kîam îgûrû na makagaîrwa Roho Mûtheru.

Ahib 6:4 ပူးပေါင်းရင်းမြစ်များ

Alawi 13:55

Nguo îo yarîkia kûthambua, mûthînjîri-Ngai nîakaamîroria, na ethîrwa varîa gîko kîrî vatagarûrûkîte rangi wana ethîrwa vatarî vatambu, nguo îo îrî na gîko. Mwene nguo îo nîakaamîvîvia wana ethîrwa gîko kîu kîrî mwena wa ndaarî kana wa nja wa nguo îo.

Alawi 14:43

Nyomba îngînyitwa nî gîko kîu rîngî vuva wa mathiga kûrutwa na nthingo kûng'arwa na kûthingwa rîngî,

Ndari 24:3

na akîratha atîrî, “Ûyû nî ûrathi wakwa nie Balaamu mûvîcî wa Beori. Ûyû nî ûrathi wa mûndû watumûrirwe metho.

Mathaayo 12:45

Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”

Mathaayo 5:13

“Mue mwîkariî ta cumbî kûrî andû onthe a nthî. Nwatî cumbî îngîtiga gûcama ta cumbî, nîndûî kîngîtûma îcame cumbî rîngî? Cumbî îo ndîrî vata, nîkwa îtecagwa na îgakinyangwa nî andû.

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Johana 3:27

Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 6:32

Nake Jesû nîwamerire atîrî, “Nie nîramwîra na ma atî Musa ndaamûva irio kuuma îgûrû. Ngai Vava nîke ûmûvecaga mûgate ûrîa wa ma kuuma îgûrû.

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 11:17

Ngai nîwavere andû a ndûrîrî kîveo wata kîrîa aatûvere vîndî îrîa twetîkirie Mwathani Jesû Kristû. Nie naarî û vi wa kûgiria Ngai eke ûrîa eendaga gwîka!”

Ciîko 15:8

Nake Ngai ûrîa ûmenyaga meciria ma andû onthe, nîwametîkîre. Ke nîwonanirie ûndû ûcio na njîra ya kûmava Roho Mûtheru wata ûrîa eekîte kûrî tue.

Ciîko 8:20

Nwatî Petero nîwamwîrire atîrî, “We wana mbeca icio ciaku mûroûra nîûndû we nîwîciragia atî nwa ûvote kûgûra kîveo Kîam Ngai na mbeca!

Aroma 1:11

Nîûndû nîmendaga mûno kûmwona nîguo nîmûgaîre kîrathimo gîa kîîroho nîguo mûgîe na vinya.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Agal 3:2

Tambîrani atîrî: Mwamûkîre Roho na njîra ya kûrûmîrîra watho, kana nî na njîra ya kwîgua ûvoro mwaro na kûwîtîkia?

Agal 3:5

Ngai amûvecaga Roho na akaringa ciama gatagatîrî kenyu nîûndû nîmûrûmagîrîra watho kana nîûndû nîmwîgucaga ûvoro mwaro na mûgawîtîkia?

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Aefeso 4:7

Mûndû wa wonthe wa cietû nîavetwe kîveo Kîam mwanya kûringana na ûrîa ûtaana wa Kristû wîgana.

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

Ahib 10:32

Taririkanani ûrîa mwekariî na vau mbere. Mîthenyarî îo, mwarîkia kûthererwa nî ûtheri wa Ngai nîmwathînirue na maûndû meengî mûno, nwatî nîmwaûmîrîrie mathîna mau.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.