Ahib 6:18 - ÎVUKU RÎA ÛVORO MWARO

¹⁸ Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Ahib 6:18 ပူးပေါင်းရင်းမြစ်များ

Kîam 19:22

Îka narua! Wîthare ûthiî kuo; nîûndû gûtirî wa naarî ûndû nîngîka ûtakinyîte kuo.” Gatûûra kau geetirwe Zoari, nîûndû Loti aaugire nî kanini.

1Atha 2:28

Rîrîa Joabu eegwire ûguo, nîwaûrire na akîthiî îgemarî rîa Ngai-Mûnene na akînyita mîthiia ya metha ya kîgongoona, nîûndû Joabu aanyitîte mbaru Adonija nwatî, tî Abusalomu.

Thaburi 110:4

Ngai-Mûnene nîweranîre na mwîvîtwa na ndakeericûkwa; “We ûrî mûthînjîri-Ngai tene na tene, ta mûthînjîri-Ngai Melikizedeki.”

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Nthi 3:18

Ûûgî nîta mûtî wa mwoyo kûrî arîa magîcaga naguo, arîa megwatîrîte guo na kinyi marî gîkeno.

Nthi 4:13

Rûmagîrîra kîrîra, na ndûgatigane nakîo; kîvingagie na kinyi, nîûndû nîkîo ûtûûro waku.

Isaia 27:5

Tiga nwa maûkire kûrî nie nîmagitîre, tiga tûgîe na thayû nao, îî, tiga tûgîe na thayû nao.”

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Isaia 56:4

Nîûndû nie Ngai-Mûnene nîrauga atîrî, “Andû arîa ngaramba na mamenyagîrîra thavatû ciakwa, arîa mekaga maûndû marîa mangenagia na marûmagia kîrîkanîro gîakwa marî na wîvokeku,

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Aroma 15:5

Ngai ûrîa arî ke kiumo Kîam thayû na ûmîrîru aromûvotithia kwîgucana mûndû na ûrîa wîngî, wata ûrîa Kristû aatwonererie,

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Aroma 3:4

Naarî! Ngai atûûraga arî mwîvokeku wana andû onthe mangîtuîka a maveeni. Kwandîkîtwe atîrî Mandîkorî matheru, Nwanginya wonanagie kîvooto rîrîa ûkwaria na rîrîa ûgûtuîrwa ciira, nwanginya ûvootanage.

Aroma 5:5

Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.

Afil 2:1

Mwatûûra ndarî ya Kristû mûkethagîrwa mûrî na vinya, naguo wendo wake ûkamûmagîrîria. Gwatanagîrani mûrî na Roho Mûtheru; îgucanagîrani ntha na mûtuganage mûndû na mûndû ûrîa wîngî.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 1:27

Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Tim 1:1

Nie Paûlo mûtûmwa wa Jesû Kristû na mvetwe wathani nî Ngai Mûvonokia wetû, na Jesû Kristû ûrîa twîrîgîrîrîte,

1Tim 6:12

Rûa mbaara mbaro ya wîtîkio, nîguo ûgîe na mwoyo wa tene na tene ûrîa wetîrwe vîndî îrîa waumbûrire ûrîa wîtîkîtie Jesû Kristû ûrî mbere ya aira eengî.

2Tim 2:13

Ethîrwa tûtirî evokeku, ke atûûraga arî mwîvokeku, nîûndû ndangîveenia.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 3:11

Nînaarakarire na ngîranîra na mwîvîtwa atîrî: ‘Gûtirî vîndî magaatonya varîa nîngîamavere mavurûke.’ ” Ûguo nîguo Mwathani augîte.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 6:17

Ngai nîwendire kwonia andû arîa makagaa ciîranîro ciake atî îtua rîake nî rîa ma. Kwoguo nîwevîtire atî ke nîakaavingia ciîranîro ciake.

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.

Ahib 7:21

Nwatî Jesû aatuîkire mûthînjîri-Ngai na njîra ya mwîvîto. Ngai aamwîrire atîrî, “Mwathani nîeranîrîte na mwîvîto na ndakaagarûrûka atî: ‘We ûkethagîrwa ûrî mûthînjîri-Ngai tene na tene.’ ”

Josh 20:3

Mûndû angîûraga mûndû wîngî atakwenda, nî athiîcage kuo kwîthitha aûre aume kûrî mûndû ûrîa ûrenda kûrîvîrîria mûndû ûcio ûragîtwe.

1Joh 1:10

Tûngiuga atî tue tûtiîvîtie, tûngîtua Ngai mûthaani na kiugo gîake gîtirî ndaarî yetû.

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”