Ahib 6:12 - ÎVUKU RÎA ÛVORO MWARO

¹² Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

Ahib 6:12 ပူးပေါင်းရင်းမြစ်များ

Nthi 12:24

Andû arîa marutaga wîra na kîîo nîmakaathana, nwatî igûta nîikaarutithua wîra na vinya.

Nthi 13:4

Kîgûûta kîîriragîria kîndû na gîtikîonaga, nwatî mûndû ûrî kîîo nîagîcaga na indo nyîngî.

Nthi 15:19

Mûndû kîgûûta ethagîrwa ecûrîtwe nî mathîna, nwatî mûndû mwîvokeku ndonaga thîna.

Nthi 18:9

Mûndû ûrîa kîgûûta nwata ûrîa ûcûkangagia indo.

Nthi 2:20

Kwoguo ûkaarûmagîrîra njîra cia andû arîa aro, na ûthiîcagîrîre njîrarî cia andû arîa athingu.

Nthi 26:14

Kîgûûta kîthiûrûrûkaga kîrî ûrîrî, wata ûrîa mûrango ûthiûrûrûkaga vandû vamwe ûnyitîtwe nî irenji.

Nthi 28:10

Mûndû ûrîa ûveenagîrîria mûndû mwîvokeku nîguo eke naaî, agûcaga mûtegorî wake ke mwene, nwatî mûndû ûrîa ûtarî na mavîtia nîakagaa maûndû maro.

Rwîmbo rwa Nyîmbo 1:8

We ûrîa mûthaka gûkîra aka onthe, nîkwa ûtaicî nî kû? Rûmîrîria mûkinyo wa ng'ondu, ûkarîthie mbûri ciaku vakuvî na magema ma arîthi.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Mathaayo 22:32

‘Nie nînie Ngai wa Iburahimu, Ngai wa Isaka na Ngai wa Jakovu.’ Ke nî Ngai wa arîa marî mwoyo tî Ngai wa arîa akuû.”

Mathaayo 25:26

“Nake mwathi wa ndungata îo nîwamîrire atîrî, ‘We ndungata îno mbaganu na ngûtaru! Nîwecî atî nie ngethaga kûrîa ndavandîte, na ngacokanîrîria kûrîa ndaminjîte;

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 4:12

Iburahimu nwake îthe wa arîa onthe aruu. Ke tî îthe wao nîûndû atî nî aruu. Nî îthe wao nîûndû matûûrîte metîkîtie Ngai wata ûrîa îthe wetû Iburahimu atûûraga etîkîtie atarî ararua.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 10:36

Mue nîmwagîrîrwe nî gûkirîrîria nîguo mûvotage gwîka wendi wa Ngai, na nîmûkaavewa kîrîa eeranîre.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Ahib 5:11

Tûrî na maûndû meengî mûno tûngîaria îgûrû rîgiî maûndû marîa narîkia kûmwîra, nwatî nî vinya kûmûtaarîria mo nîûndû mûtitaûkagîrwa na îvenya.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 1:3

nîûndû nîmwicî atî wîtîkio wenyu ûngîvoota magerio ta mama mûkaavotaga kûmîrîria.

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

1Joh 2:25

Kîveo kîrîa Kristû aatwîrîre nî mwoyo wa tene na tene.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”