Ahib 6:1 - ÎVUKU RÎA ÛVORO MWARO

¹ Kwoguo nîtûtiganîrie maûndû marîa twathomithirue mbere megiî Kristû, na tûthiî na mbere na kîthomo kîrîa kîrî na ûgima. Tûtiagîrîrwe nî gûcokera rîngî ûvoro wîgiî kiumo Kîam maûndû marîa twathomire mbere ta gwîtîkia Ngai na kûgarûrûka kuuma kûrî ciîko irîa iretage gîkuû.

Ahib 6:1 ပူးပေါင်းရင်းမြစ်များ

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Mathaayo 21:29

Nake nîwamûcokerie atîrî, ‘Tînthiî.’ Nwatî vuvarî nîwericûkirwe na akîthiî.

Mathaayo 21:32

Nîûndû Johana Mûvatithania aaûkire kûrî mue akîmwonagia njîra îrîa mbaro, namue nîmwaregire kûmwîtîkia. Nwatî etia mbeca cia gooti na maraa nîmaamwîtîkirie. Na wana mwona ûguo, mûtiacoka gûcenjia meciria menyu nîguo mûmwîtîkie.”

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Mathaayo 7:25

Mbura nîyaurire; nyûnjî ikiuna na ngûngi ikîvurutana, na ikîringa nyomba îo na vinya mûno. Nwatî nyomba îo ndîagwa nîûndû yatumîtwe rûciararî.

Maariko 1:1

Gîkî nîkîo Kîammbîrîria Kîam Ûvoro Mwaro wîgiî Jesû Kristû, Mûriû wa Ngai

Maariko 6:12

Kwoguo arutwa nîmaathiîre na makîvunjîria andû merire mevia mao.

Luka 6:48

Ekariî ta mûtumi wa nyomba ûrîa wambire kwînja mûcingi mûrikîru na akîûthondeka rûciararî. Vîndî îrîa rûnjî rwaunire manjî maruo nîmaaringire nyomba îo na vinya, nwatî matiaminainia nîûndû yarî ndume waro.

Johana 12:44

Jesû nîwanîrîre akiuga atîrî, “Mûndû wa wonthe ûmbîtîkîtie tî nie tu etîkîtie, nwatî etîkîtie wana ûrîa wandûmire.

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

1Akor 13:10

Nwatî vîndî îrîa ûndû ûrîa mûkinyanîru ûgaaûka, ûndû ûrîa ûtarî mûkinyanîru nîûkaathira.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

2Akor 7:10

Nîûndû kîeva kîrîa Ngai egwithanagia nîgîtûmaga andû magarûrûke na gîkamatongoria kûrî ûvonokio, na ûguo ndwagîrîrwe gûtûma mûndû akua ngoro. Nwatî kîeva kîrîa kiumanaga na ûmûndû nîkîretage gîkuû.

Aefeso 2:1

Mue mwarî akuû kîîroho nîûndû wa ûremi na mevia menyu.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Aefeso 4:12

Eekire ûguo nîguo avarîrie andû onthe a Ngai nîûndû wa wîra wa gûtungata, nîguo ekîre mwîrî wa Kristû vinya.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 3:14

Na maûndû mau monthe, endanagani nîûndû wendani nîguo ûgwatithanagia andû onthe na ngwatanîro nginyanîru.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

1Tim 6:19

Na njîra ta îno nîmakwîthîrwa meigîrîte mûthithû wao wî ta mûcingi wî na vinya wa vîndî îrîa îgaûka. Nao nîmagaacoka magîe na mûtûûrîre ûrîa wa ma.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 12:13

Thiîrîrani njîrarî nûngarû nîguo kûgûrû kûrîa kwonju gûtikagonyoke, vandû va ûguo kûvonue.

Ahib 7:11

Andû a Isiraeli maaverwe watho na njîra ya ûthînjîri-Ngai ûrîa waumanîte na andû a mûvîrîga wa Lawi. Nwatî na njîra îo andû matiatuîka akinyanîru. Kwoguo kwarî na vata mûthînjîri-Ngai wîngî aûke ta Melikizedeki, nwatî tî kuuma mûvîrîgarî wa Aroni.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Jakuvu 1:4

Tigani kûmîrîria kwenyu kûmûtongoragie maûndûrî monthe mûtakûgwa, nîguo mwîthagîrwe mûrî akinyanîru na mûrî agima na mûtarî na kîndû mûturîte.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.