Ahib 5:9 - ÎVUKU RÎA ÛVORO MWARO

⁹ Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

Ahib 5:9 ပူးပေါင်းရင်းမြစ်များ

Thaburi 45:17

Nîngaatûma ûririkanagwe nî njiarwa cionthe, na ûtûûre ûkumagua nî andû a ndûrîrî cionthe tene na tene.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 51:8

Mbîcûria gîkeno na ûnjanjamûre; na wana ethîrwa nî ûnthirîtie vinya, nî ngwîcûrwa nî gîkeno rîngî.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Zakaria 6:15

“Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Luka 13:32

Nake Jesû nîwamacokerie atîrî, “Tathiîni mwîre mbwe îo atî ûmûnthî wana rûyû nîmbîthîrwa nîrî gûkû ngîrutûrûraga ngoma kuuma kûrî andû na ngîmavonagia mîrimû yao. Narîo aûke nîngarîkia wîra wakwa.

Johana 19:30

Rîrîa Jesû aakundire ndivei îo nîwaugire atîrî, “Maûndû monthe nîmavinga!” Nîwacokire akîînamia kîongo gîake na agîkua.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 10:16

Nwatî tî andû onthe maamûkîre ûvoro mwaro. Nîûndû Isaia nî waûririe atîrî, “Mwathani, nû wetîkirie ndûmîrîri yetû?”

Aroma 15:18

Ngaaragia tu nîrî na ûmîrîru ûvororî wîgiî ûrîa Kristû ekîte kûrî nie, akandûmîra nîguo andû a Ndûrîrî mathîkîre Ngai na njîra ya ciugo na ciîko ciakwa,

Aroma 2:8

Andû engî nî eyendi na nîmaregaga kûrûmîrîra ûma nîguo mekage maûndû marîa macûku. Nga nîakaaverithia andû acio arî na marakara.

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 11:40

nîûndû Ngai nîwathondekete mûvango wetû warî mwaro makîria. Wendi wa Ngai nî atî andû acio magaatuwa agîrîru tûrî vamwe nao.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Juda 1:21

Îkaragani mwendete Ngai wa mûgîetagîrîra Mwathani wetû Jesû Kristû. Na nîûndû wa ntha ciake nîakaamûva mwoyo wa tene na tene.