Ahib 4:10 - ÎVUKU RÎA ÛVORO MWARO

¹⁰ Mûndû wa wonthe ûvotete gûtonya kîvurûkorî kîrîa Ngai eeranîre, nîakaavurûka kuuma wîrarî wake wata ûrîa Ngai aavurûkire kuuma kûrî wîra wake.

Ahib 4:10 ပူးပေါင်းရင်းမြစ်များ

Kîam 2:2

Naguo mûthenya wa mûgwanja Ngai aarî mûrîkiu wîra ûrîa aarutaga, na akînogoka.

Johana 19:30

Rîrîa Jesû aakundire ndivei îo nîwaugire atîrî, “Maûndû monthe nîmavinga!” Nîwacokire akîînamia kîongo gîake na agîkua.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 10:12

Nwatî Kristû nîwarutire îgongoona rîmwe rîa mevia rîrîa rîgûtûûra rîrutaga wîra tene na tene. Nîwacokire agîkara nthî mwenarî wa ûrîo wa Ngai.

Ahib 4:9

Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

Kûguû 6:11

Wa ûmwe nîwaverwe nguo cia rangi njerû. Nao nîmeerirwe mavurûke kavinda kengî kanini, nginya rîrîa andû arîa maatungataga vamwe nao wa na etîkia acio engî makaaûragwa wata ûrîa o maaûragirwe.