Ahib 3:9 - ÎVUKU RÎA ÛVORO MWARO

⁹ Kûu werûrî nîkuo methe menyu maangereerie, wana ethîrwa nîmoonete maûndû marîa nekîte mîaka mîrongo îna.

Ahib 3:9 ပူးပေါင်းရင်းမြစ်များ

Thaburi 95:9

Marî kûu, nîmaangeririe na makînduîria, wana ethîrwa nîmoonete maûndû marîa naamekîrîte.

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Ntha 20:22

Ngai-Mûnene nîwathire Musa akeere andû a Isiraeli atîrî, “Mue ene nîmweîguîra ngîaria namue kuuma îgûrû.

Amosi 2:10

Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Ndari 14:33

Ciana cienyu igaatûûra ciûrûraga werûrî îvinda rîa mîaka mîrongo îna (40). Igaatûûra inyamaraga îvinda rîu rîonthe nîûndû wa ûremi wenyu, nginya rîrîa muonthe mûgaakuîra werûrî.

Luka 7:22

Nake Jesû nîwacokire akîîra anjaama acio atîrî, “Cokani mûkeere Johana maûndû marîa mweyonera na mweîguîra: atî atumumu nîmarona, ithua nîirathiî, andû arîa arwaru mûrimû wa mangû nîmaratherua, itegua nîiregua, akuû nîmarariûkua, na athîni nîmaravunjîrua Ûvoro Mwaro.

Ciîko 13:8

Nwatî mûringi wa ciama ûcio wetagwa Elimasi nîwareganire nao. (Elimasi nî rîîtwa rîa rûthiomi rwa Kîngiriki rîa Mûrû wa Joshua.) Elimasi nîwaringîrîre mûnene ûcio akîmwîra atige gwîtîkia.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Gûco 11:7

Mue nîmue mwonire maûndû mau monthe manene marîa Ngai-Mûnene eekire.

Gûco 29:2

Musa nîwetire andû onthe a Isiraeli vamwe na akîmeera atîrî, “Mue nîmwonire ûrîa Ngai-Mûnene eekire mûthamaki wa Misiri, ndungata ciake, na vûrûri wake wonthe.

Gûco 4:3

Mue nîmwonire na metho menyu ûrîa Ngai-Mûnene eekire arî kîrîmarî gîa Peori. Nîwaûragire andû onthe arîa maagoocagîra Baali kuo.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 8:4

Mîaka îo yonthe mîrongo îna mûtîatuîkîrwa nî nguo kana mwimba magûrû.

Josh 23:3

na nîmwonete maûndû monthe marîa Ngai-Mûnene, Ngai wenyu ekîte mavûrûri mama monthe nîûndû wenyu. Ngai-Mûnene, Ngai wenyu ethîrîtwe akîmûrûîrîra.

Josh 24:7

Nanie nînekîrire nduma gatagatî ka andû a Misiri na a Isiraeli. Nînatûmire îria rîkunîkîre andû a Misiri na nîmaaûrîre manjîrî. Mue nîmwicî ûrîa nekire andû a Misiri. “ ‘Mue nîmwatûûrire werûrî kavinda karaca.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.