Ahib 3:5 - ÎVUKU RÎA ÛVORO MWARO

⁵ Musa aarî mwîvokeku maûndûrî monthe arî ndungata nyombarî ya Ngai. Ke nîwaririe ûvoro wîgiî maûndû marîa Ngai akaaria mavinda marîa magaaûka.

Ahib 3:5 ပူးပေါင်းရင်းမြစ်များ

Nehemia 9:14

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.

Thaburi 105:26

Nîwacokire agîtûma ndungata yake Musa, na Aroni ûrîa aathuurîte.

Ntha 14:31

Vîndî îrîa andû a Isiraeli moonire vinya mûnene ûrîa Ngai-Mûnene aavootire andû a Misiri naguo, nîmeetigîre Ngai-Mûnene, makîmwîtîkia na magîtîkia ndungata yake Musa.

Ntha 40:16

Musa nîwekire maûndû monthe wata ûrîa Ngai-Mûnene aamwathîte.

Ndari 12:7

Nwatî ûguo tîguo mbaragia na ndungata yakwa Musa. Nîke nîîvokerete andû akwa onthe a Isiraeli.

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’

Aroma 3:21

Na rîu, njîra îrîa Ngai atucaga andû athingu nayo nîîguûrîtue wana ethîrwa watho wa Musa na arathi nîwarîtie ûvoro wayo.

1Akor 4:2

Makîria ya ûguo, ndungata ciagîrîrwe nîkwîthîrwa ciîvokekete kûrî Mwathi wacio.

Gûco 3:24

‘Mwathani, Ngai-Mûnene, we nîwambîrîrîtie kûmonia, nie ndungata yaku ûnene na vinya waku. Nî ngai îrîkû gûkû nthî kana kûu îgûrû îngîvota gwîka ciîko cia vinya na maûndû manene ta mama wîkîte?

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Ahib 3:2

Jesû aarî mwîvokeku mbere ya Ngai ûrîa wamûthuurire wata ûrîa Musa aatuîkire mwîvokeku nyombarî ya Ngai.

Ahib 3:4

Nyomba wa yonthe îthagîrwa îrî na mûmîtumi, nwatî Ngai nîke ûtumîte indo cionthe.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Josh 1:15

nginya rîrîa megwatîre vûrûri ûrîa ûrî mwena wa îthûîro wa rûnjî rwa Jorodani. Vûrûri ûcio nîguo Ngai-Mûnene Ngai wenyu akûmava na marîkia kwîgwatîra vûrûri ûcio, namue nîmûgaacoka mûtûûre vûrûrirî ûrîa Musa ndungata ya Ngai aamûveere ûrîa ûrî mwena wa îrathîro rîa Jorodani ûtuîke wenyu.”

Josh 1:2

atîrî, “Ndungata yakwa Musa nîîkuîte. Rîu ûkîra mûrî na andû a Isiraeli mûringe rûnjî rwa Jorodani mûthiî vûrûrirî ûrîa ngûmava.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 8:31

Aamîtumire kûringana na ûrîa Musa ndungata ya Ngai-Mûnene aataarîte andû a Isiraeli wata ûrîa kwandîkîtwe wathorî wa Musa atîrî: “Tuma metha ya kîgongoona na mathiga matarî maumie na ngeca ya cuuma.” Nao nîmaarutîre Ngai-Mûnene îgongoona rîa kûvîvua vo na magongoona mengî ma thayû.

Josh 8:33

Andû a Isiraeli marî vamwe na athuuri, anene na atongoria ao na ageni arîa maarî nao nîmaarûngamire mîenarî yoîrî ya îthandûkû rîa kîrîkanîro mbere ya athînjîri-Ngai a Alawi arîa maarîkuîte. Nuthu yao maarûngamîte mbere ya kîrîma Kîam Gerizimu na nuthu îngî îkarûngama mbere ya kîrîma Kîam Ebali. Ûguo nîguo Musa ndungata ya Ngai-Mûnene amaathire mageeka rîrîa kavinda gagaakinya ga kwamûkîra kîrathimo.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!