Ahib 3:17 - ÎVUKU RÎA ÛVORO MWARO

¹⁷ Nî andû arîkû maarakaririe Ngai kavinda ka mîaka mîrongo îna? Kinthî tî andû arîa meevirie na magîkuîra kûu werûrî?

Ahib 3:17 ပူးပေါင်းရင်းမြစ်များ

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Ndari 14:28

Kwoguo meere, Nie Ngai-Mûnene nauga atîrî, “Wata ûrîa ndûûraga mwoyo, maûndû mau mwaria ngîgucaga nîngûmûvingîria mo.

Ndari 14:29

Nîmûgaakua na ciimba cienyu inyagarûke gûkû werûrî. Gûtirî mûndû wanarî ûmwe gatagatîrî ka acio maatarîtwe na warî na ûkûrû wa mîaka mîrongo îîrî na makîria, ûgaatonya vûrûri wa kîîranîro, nîûndû nîmaandetirie.

Ndari 14:37

Ngai-Mûnene nîwatûmire andû acio maaretire ndeto itarî cia ma ciîgiî vûrûri ûcio, maûragwe nî mûthiro.

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.