Ahib 3:16 - ÎVUKU RÎA ÛVORO MWARO

¹⁶ Nî andû arîkû arîa meeguire mûgambo wa Ngai na makîregana nake? Kinthî tî arîa onthe maumire Misiri matongoretue nî Musa?

Ahib 3:16 ပူးပေါင်းရင်းမြစ်များ

Thaburi 78:17

Kûnarî ûguo nwa nîmaathiîre na mbere kwîvia, na marî werûrî nîmaareganire na Ngai ûrîa ûrî Îgûrû Mûno.

Thaburi 78:40

Nîmaareganire na Ngai maita meengî marî werûrî, na maita meengî nîmaamwîguithirie kîeva.

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 44:3

Mbîkîte ûguo nîûndû wa maûndû macûku marîa mekire na magîtûma ndakare. Nîmaavîvîrie ngai cia mîvuanano ûbani na makîgooca ngai irîa o, we kana methe mao mataaicî.

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ndari 14:2

Nîmaatetirie Musa na Aroni makiugaga atîrî, “Wana kava tûngîakuîrîre Misiri kana tûkuîre gûkû werûrî!

Ndari 14:24

Nwatî nîûndû ndungata yakwa Kalebu aarî na roho ngûrani na arîa engî ûrîa wamûgucagia na eethîrîtwe akîmbathîkîra, nîngaatûma akinye vûrûrirî ûrîa aathiganire, na njiarwa ciake nîikegwatîra vûrûri ûcio ûtuîke wao.

Ndari 14:30

Gûtirî mûndû wanarî ûmwe wenyu ûgaatonya vûrûri ûrîa neranîre atî nî ngaamûva, tiga Kalebu mûvîcî wa Jefune na Joshua mûvîcî wa Nuni.

Ndari 14:38

Nwatî Joshua mûvîcî wa Nuni, na Kalebu mûvîcî wa Jefune nîmaatigarire.

Ndari 14:4

Kwoguo nîmeeranire atîrî, “Tigani tûthuure mûndû wa gûtûtongoria nîguo tûcoke Misiri!”

Ndari 26:65

Ngai-Mûnene aarî mugu atî onthe magaakuîra werûrî. Gûtirî mûndû wanarî ûmwe gatagatîrî kao watigarire tiga Kalebu mûvîcî wa Jefune na Joshua mûvîcî wa Nuni.

Gûco 1:38

Nwatî Joshua mûvîcî wa Nuni ndungata yake nîke ûgaaûtonya. Kwoguo mûmagîrîrie nîûndû nîke ûgaatûma andû a Isiraeli maûgae ûtuîke wao.’

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.