Ahib 2:2 - ÎVUKU RÎA ÛVORO MWARO

² Ndûmîrîri îrîa yavecanirwe nî araika kûrî methe metû ma tene, yonekire îrî ya ma. Arîa onthe mataamîathîkîra nîmaaverithirue wata ûrîa kwagîrîrîte.

Ahib 2:2 ပူးပေါင်းရင်းမြစ်များ

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Ndari 11:33

Wa vîndî mambîrîria kûrîa nyama ciatuo Ngai-Mûnene nîwarakarire nîo na nîwamaretithîrie mûthiro mûnene.

Ndari 16:49

Andû onthe arîa maakwire vîndî ya mûthiro ûcio maarî ngiri îkûmi na inya na magana mûgwanja (14,700) gûtatarîtwe arîa maakuire vîndî ya Kora.

Ndari 21:6

Ngai-Mûnene nîwarekirie njoka irîa irî ûrogi na ikîrûma andû a Isiraeli eengî na magîkua.

Ndari 25:9

Nwatî mûthiro ûcio nîwaûragîte andû ngiri mîrongo îîrî na inya (24,000).

Ciîko 7:53

Mue nwamue mwamûkîre watho wa Ngai ûrîa ke aamûveere na njîra ya araika ake, nwatî mue mûtiawathîkîra!”

Agal 3:19

Watho warî wakî? Watho wongerererwe kûrî kîrîkanîro nîguo wonanie maûndû marîa macûku nginya rîrîa rûciaro rwa Iburahimu rûgaûka, rûrîa rwerîrîtwe kîîranîro kîu. Watho wanenganîrwe kûvîtûkîrîra kûrî Araika na kûrî mûndû ûrîa wegwithanagia andû na Ngai.

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 17:2

“Kûngîonekana mûndû gatagatîrî kenyu arî îtûûrarî rîmwe rîa marîa Ngai-Mûnene Ngai wenyu akûmûva, wîkîte ûndû mûcûku na akarega kwathîkîra maathani make,

Gûco 17:5

mûndû ûcio nîakaarutwa nja ya îtûûra na aûragwe na mathiga.

Gûco 27:26

“ ‘Kûnyitwa nî kîrumi nî mûndû ûrîa ûkûregana na mawatho mama monthe ma Ngai na kûmavingia.’ “Nao andû onthe nîmakaauga, ‘Ameni!’

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Ahib 10:28

Mûndû wa wonthe ûregaga kwathîkîra watho nîaûragagwa atakwîguîrwa ntha angiumbûrwa nî aira aîrî kana athatû.

Ahib 10:35

Kwoguo mûtikaûrwe nî vinya nîûndû mwathiî na mbere na kûmîrîria, nîmûkaagîa na kîveo kînene.

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.