Ahib 2:17 - ÎVUKU RÎA ÛVORO MWARO

¹⁷ Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 2:17 ပူးပေါင်းရင်းမြစ်များ

2Maû 29:24

Nao athînjîri-Ngai nîmaaûragire nthenge icio na makîrutîra nthakame ya cio metharî ya kîgongoona rîrî îtega rîa kûtheria mevia ma andû onthe a Isiraeli, nîûndû mûthamaki Hezekia nîwathanîte kûrutwe îtega rîa kûvîvua na îtega rîa kûtheria mevia ma andû onthe a Isiraeli.

Isaia 11:5

Ke akaathanaga na ûthingu na wîvokeku.

Ezek 45:15

Varî wa ng'ondu magana maîrî nîmakaaruta ng'ondu îmwe kuuma kûrî ndîthia cia andû a Isiraeli. Rîrî nî îtega rîa irio cia mûgûnda, îtega rîa kûvîvua na îtega rîa thayû nîguo andû arîa mamareta mavoroverue mevia mao. Ûguo nîguo Ngai-Mûnene augîte.

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Ezek 45:20

Mûthenya wa mûgwanja wa mweri mûthînjîri-Ngai ageka wa ûguo nîûndû wa mûndû wa wonthe ûrîa ûngîvia atakwenda kana evie nîûndû wa kûrigwa. Na njîra îo nîmûkaatheria hekarû.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Alawi 14:18

Nîagetîrîria maguta marîa makethîrwa matigarîte rûvîrî rwake kîongorî Kîam mûndû ûcio ûkûtherua. Ûguo nîguo mûthînjîri-Ngai akaarûtha mambura ma kûtheria mûndû ûcio.

Alawi 16:16

Ûguo nîguo Aroni akaarûtha mambura ma kûtheria vandû varîa vatheru Mûno kuumana na gîko Kîam andû a Isiraeli vamwe na mevia mao monthe. Nwanginya ekage îgema rîa Ngai-Mûnene ûguo, nîûndû rîtûûraga gatagatîrî ka andû arîa matarî atheru.

Alawi 6:30

Nwatî ethîrwa kûrî nthakame wa yonthe îkaavirwa îgemarî rîa Ngai-Mûnene îrî ya gûtûmîrwa kûtheria mevia, nyamû îrîa yumîte nthakame îo ndîagîrîrwe nî kûrîwa, nwanginya îkaavîvua.”

Alawi 8:15

Musa nîwaûragire ndegwa îo agîcoka agîoca nthakame îmwe yayo agîtovokia Kîamra gîake kuo na akîmîvaka mîenarî ya metha ya kîgongoona îrîa yaumîrîte ta mvîa. Nîwacokire agîtûrûra nthakame îo îngî vau nthî ya metha ya kîgongoona. Ûguo nîguo aatheririe metha îo ya kîgongoona na akîmîamûra.

Ndari 15:25

Mûthînjîri-Ngai nîakaarûtha mambura ma kûtheria andû onthe a Isiraeli, na nîmakooverwa nîûndû meevirie matakûmenya, na nîarutu îtega rîa kûvîvua na îtega rîa kûtheria mevia kûrî Ngai-Mûnene nîûndû wa mevia mao.

Aroma 15:17

Kwoguo nîrî ndaarî ya Jesû Kristû, nwa nîtîîe nîûndû wa ûtungata wakwa kûrî Ngai.

Aroma 5:10

Vîndî îmwe twarî nthû cia Ngai, nwatî ke nîwatûtuire arata ake na njîra ya gîkuû Kîam mûriû wake. Na rîu nîûndû tûrî arata a Ngai ke nîagaatûvonokia na njîra ya Kristû.

Aefeso 2:16

Na njîra ya kwîruta akue mûtharavarî, Kristû nîwathirîrie ndûrîrî icio igîrî ûthû na agîciîgwithania na Ngai igîtuîka mwîrî ûmwe.

Akol 1:21

Vîndî îmwe mwarî kûraca na Ngai na mwarî nthû ciake, nîûndû mwethagîrwa mûrî na meciria macûku na mwekaga maûndû macûku.

Ahib 10:21

Tûrî na mûthînjîri-Ngai mûnene ûrîa ûrûngamîrîrîte nyomba ya Ngai.

Ahib 2:11

Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Ahib 2:16

Nîûndû nî ûvoro wa ma atî ke ndatethagia araika, nwatî atethagia rûciaro rwa Iburahimu.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 3:2

Jesû aarî mwîvokeku mbere ya Ngai ûrîa wamûthuurire wata ûrîa Musa aatuîkire mwîvokeku nyombarî ya Ngai.

Ahib 3:5

Musa aarî mwîvokeku maûndûrî monthe arî ndungata nyombarî ya Ngai. Ke nîwaririe ûvoro wîgiî maûndû marîa Ngai akaaria mavinda marîa magaaûka.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.

Ahib 5:1

Mûthînjîri-Ngai mûnene wa wonthe athuuragwa kuuma kûrî andû na akavewa wîra wa gûtungatîra Ngai vandûrî va andû. Ke nîarutaga iveo na magongoona ma mevia.

Ahib 5:10

Nake Ngai nîwamûtuire Mûthînjîri-Ngai ûrîa mûnene wata Melikizedeki.

Ahib 5:2

Na nîûndû ke ethagîrwa atarî na vinya maûndûrî mengî, nîavotaga gûkirîrîria andû arîa matarî na ûmenyo na arîa mavîtagia.

Ahib 5:5

Na njîra wata îo, Kristû wa nake ndeetîkîra kwînenevia nîûndû atî aarî Mûthînjîri-Ngai ûrîa mûnene. Vandû va ûguo, Ngai aamwîrire atîrî, “We nîwe Mûriû wakwa, ûmûnthî nînatuîka Aguo.”

Ahib 6:20

Nake Jesû nîmûtonyu vo vandûrî vetû na nîmûtuîku Mûthînjîri-Ngai ûrîa mûnene wa tene na tene wata Melikizedeki.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

Ahib 7:28

Watho wa Musa nîûthuuraga andû arîa matarî agîrîru matuîke Athînjîri-Ngai arîa anene. Nwatî kîîranîro Kîam Ngai kîrîa Kîamthondekirwe na mwîvîtwa ûrîa waûkire vuva wa watho, ûthuuraga Mûriû ûrîa ûtuîtwe mwagîrîru tene na tene.

Ahib 8:1

Rîu ûndû ûrîa ûrî na vata mûno îgûrû rîa maûndû marîa tûraria nî atî, tûrî na Mûthînjîri-Ngai mûnene ûrîa wîkaraga mwena wa ûrîo wa gîtî Kîam ûthamaki wa Ngai kûu îgûrû.

Ahib 8:3

Mûthînjîri-Ngai mûnene wa wonthe athuuragwa nîguo avirage matega na magongoona ma nyamû kûrî Ngai. Kwoguo nwanginya Mûthînjîri-Ngai mûnene wetû ethîrwe arî na kîndû gîa gûtegera Ngai.

Ahib 9:11

Nwatî Kristû nîarîkîtie gûka ta Mûthînjîri-Ngai ûrîa mûnene wa maûndû maro marîa marî vo. Narîo îgema rîrîa atungataga nî rînene na nî rîkinyanîru mûno. Îgema rîu rîtitumîtwe na njara cia andû na tî gîcunjî kîmwe Kîam nthî îno ya kûmbwa.