Ahib 2:11 - ÎVUKU RÎA ÛVORO MWARO

¹¹ Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.

Ahib 2:11 ပူးပေါင်းရင်းမြစ်များ

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 28:10

Nake Jesû nîwamerire atîrî, “Tigani gwîtigîra. Thiîni mwîre ariû a îthe wetû mathiî Galili na kûu nîkuo makaamona.”

Maariko 3:34

Na wa aroretie arîa meekarîte nthî vakuvî nake mamûrigicîrîtie, nîwamacokerie atîrî, “Nyanya na arîa tûciaranîrîtue nao, nî aya marî ava!

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Luka 9:26

Mûndû wa wonthe ûconokaga nîûndû wakwa na nîûndû wa ndûmîrîri yakwa, ûcio nî agaaconokerwa nî Mûrû wa Mûndû rîrîa ke agaaûka na riiri wake, wa vamwe na riiri wa îthe na wa araika atheru.

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Ciîko 17:28

wata ûrîa mûndû ûmwe augîte atîrî, ‘Ke nîke ûtûmaga tûtûûre, tûvote kûthiî na twîthîrwe tûrî kîrîa tûrî.’ Andîki amwe enyu nîmaugîte atîrî, ‘Wa natue na tûrî ciana ciake.’

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 10:14

Na njîra ya îgongoona rîu rîmwe aarutire, ke nîatuîte andû arîa matheretue kuuma meviarî akinyanîru tene na tene.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 13:12

Nîûndû wa gîtûmi gîkî, Jesû wa nake aakwire arî nja ya îtûûra rîrîa rînene nîguo atherie andû kuuma meviarî mao na nthakame yake.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.