Ahib 13:9 - ÎVUKU RÎA ÛVORO MWARO

⁹ Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 13:9 ပူးပေါင်းရင်းမြစ်များ

Thaburi 112:8

Ndamakaga na ndetigagîra, nginya rîrîa akoona nthû ciake ikîvootwa.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 24:4

Nake Jesû nîwamacokerie atîrî, “Îîmenyagîrîreni mûtikavîtithue nî mûndû wana ûrîkû.

Luka 5:38

Vandû va ûguo, ndivei ya kûvivwa warîo nwa nginya îkîrwe mboororî îno njerû!

Ciîko 20:30

Wana nginya gatagatîrî kenyu nîgûkaumîra andû amwe makaaragia maveeni makîgeria kûgucîrîria arutwa nîguo mamarûmîrîre.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 14:2

Mûndû ûmwe etîkîtie atî nwa arîe irio cia mîthemba yonthe. Nwatî mûndû wîngî ûtarî na vinya wîtîkiorî wake arîcaga manyenyi tu.

Aroma 14:6

Mûndû ûrîa ûtucaga mûthenya mûna wa mwanya, ekaga ûguo nîûndû wa gûtîîa Mwathani. Nake ûrîa ûrîcaga irio cia mîthemba yonthe ekaga guo nîûndû wa gûtîîa Mwathani, nîûndû ke nîacokagia ngatho kûrî Ngai nîûndû wa irio. Mûndû ûrîa ûregaga kûrîa irio cia mîthemba mîna ekaga ûguo nîguo Mwathani atîwe, nake nîacokagia ngatho kûrî Ngai.

1Akor 6:13

Mûndû wîngî avota kuga atîrî, “Irio irî vo nîûndû wa îvu, na îvu rîrî vo nîûndû wa irio.” Ûguo nîguo kûrî, nwatî wa cioîrî Ngai nîakaaithiria. Mwîrî ndûrî vo nîûndû wa kûvûra ûmaraa, nwatî ûrî vo nîûndû wa gûtungatîra Mwathani. Na Mwathani nîke ûtûmaga mwîrî wîthîrwe ûrî vo.

1Akor 8:8

Irio tî cio ingîtûma twîtîkîrwe nî Ngai. Kûrîa gûtingîtûma tûrwe nî kîndû wana kîrîkû, na tî kuo kûngîtûma tûgîe na umithio wana ûrîkû.

2Akor 1:21

Ngai ke mwene nîke ûtûmaga mue mûrî vamwe natue tûgîe na kîîrîgîrîro tûrî ûrûmwe na Kristû. Ngai nîke ûtûthuurîte.

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Akol 2:4

Nîramwîra ûguo nîguo mûtikanetîkîrie mûndû wana ûrîkû amûveenererie na mîario ya maveeni, wana ethîrwa îkîoneka îrî mîaro atîa.

2Ath 2:17

Ke aromûmîrîria na amûve vinya vîndî cionthe, nîguo mwîkage na mwaragie maûndû marîa maro.

2Ath 2:2

mûtikagague meciriarî kana mûmakue nî andû mûkîragwa atî mûthenya wa Mwathani nî mûkinyu. Nwa kwîthîrwa o meciragia atî twamwîrire maûndû mama vîndî îrîa twarathaga na twamûvunjagîria kana atî nîkwa twamwandîkîre maarûa.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.