Ahib 13:2 - ÎVUKU RÎA ÛVORO MWARO

² Ririkanagani kûgwata andû ûgeni kwenyu mîciî. Andû amwe nîmaagwatire araika ûgeni matakûmenya.

Ahib 13:2 ပူးပေါင်းရင်းမြစ်များ

Kîam 18:1

Iburahimu arî mîtîrî mîamûre ya Mamure nîwaumîrîrwe nî Ngai-Mûnene. Iburahimu ekarîte mûromorî wa îgema rîake. Îthaarî rîu riûa rîarîte mûno.

Kîam 19:1

Araika acio aîrî nîmaathiîre Sodomu kîvwaî, nake Loti eekarîte kîvingorî gîa Sodomu. Rîrîa Loti oonire araika acio, nîwaûkîrire akîthiî kûmatûnga. Nîwenamîrîrie ûthiû wake mbere yao,

2Atha 4:8

Mûthenya ûmwe Elisha nîwathiîre Shunemu kûrîa mûndûmûka warî gîtonga aatûûraga. Mûndûmûka ûcio nîwaringîrîrie Elisha athiî akarîe irio gwake. Kwoguo kuuma vîndî îo, rîrîa rîonthe Elisha aathiîcaga Shumemu, nîwatonyaga mûciî kwa mûndûmûka ûcio na akarîa irio kuo.

Ayubu 31:19

Rîrîa nona mûndû agîkua nîûndû wa gûtura nguo, kana mûthîni atarî na nguo ya gwîkîra;

Ayubu 31:32

Ndianarekia ageni maraara nja, nînyitaga evîtûkîri ûgeni gwakwa mûciî.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Mathaayo 25:35

Nîûndû nie naarî mûvûtu na mûkîmva kîndû gîa kûrîa, naarî mûnyondu na mûkîmva kîndû gîa kûnyua, naarî mûgeni na mûkûnyita ûgeni kwenyu mûciî,

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:43

Nie naarî mûgeni na mûtianyita ûgeni kwenyu mûciî na naarî njaga na mûtiamva nguo ya gwîkîra. Nie naarî mûrwaru na naarî njeera na mûtiaûka kûmona!’

Ciîko 16:15

Ke na andû onthe a mûciî wake nîmaavatithirue. Nîwacokire agîtûthaitha agîtwîra atîrî, “Ethîrwa mue nîmwatua atî nie na ma nîmbîtîkîtie Mwathani, ûkani vi mûgekare gwakwa mûciî.” Nake nîwageririe mûno gûtwîgwithia atî tûthiî tûgekaranie nake.

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

Aroma 16:23

Nake Gayo, ûrîa mbîkaraga gwake na nwa kuo kanitha îcemanagia nîwamûkethia. Nîmwakethua nî Erasito ûrîa wigaga kîgîna Kîam îtûûra înene na mwakethua nî mûrû wa îthe wetû Kwarito. [

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Tito 1:8

Mûtongoria wa kanitha agîrîrwe nîkwîthîrwa arî mûndû mûtugani, mûndû wendete maûndû marîa maro, mwînyitia maûndûrî, mûndû mûrûngîrîru, mûndû mûtheru na mûndû wîyathîte.

1Pet 4:9

Tuganagani kwenyu mîciî mûtakûnuguna.

3Joh 1:5

Mûrata wakwa, we wîthagîrwa ûrî mwîvokeku wîrarî waku ûrîa ûrutagîra akristiano arîa engî wana ethîrwa marî andû ûtecî.