Ahib 13:17 - ÎVUKU RÎA ÛVORO MWARO

¹⁷ Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 13:17 ပူးပေါင်းရင်းမြစ်များ

Kîam 16:9

Nake mûraika wa Ngai-Mûnene nîwerire Hagari atîrî, “Coka kûrî ke na ûmwathîkagîre.”

Ntha 32:31

Nake Musa nîwacokire kîrîmarî kûrî Ngai-Mûnene na akîmwîra atîrî, “Andû aya nîmekîte mevia manene mûno. Nîmerûthîrîte ngai ya thaavu na nîmamîgoocete.

Nthi 5:13

Ndiathikagîrîria arîa maanthomithagia, kana nthikîrîria kîrîra Kîam arîa maandaaraga.

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Ezek 33:2

“Mûndû, arîria andû enyu na ûmere atî, vûrûrirî mûna kûngîgîa mbaara, nwa ndûme andû a vûrûri ûcio mathuure mûndû ûmwe gatagatî kao atuîke mûrangîri wao.

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Aroma 14:12

Kwoguo wa mûndû nîakoonania kûrî Ngai maûndû monthe marîa aaneka.

1Akor 16:16

mwathîkagîre andû ta acio na mûndû wîngî wa wonthe ûrîa ûrutaga wîra na agatungata vamwe nao.

Aefeso 5:21

Athîkanagîrani mûndû na ûrîa wîngî nîûndû wa ûrîa mûtîîte Kristû.

Afil 1:4

Nînîmûvoyagîra muonthe vingo cionthe nîrî na gîkeno,

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Afil 2:29

Mwamûkîreni mûrî na gîkeno ta mûrû wa îthe wetû rîîtwarî rîa Mwathani. Vecagani andû onthe gîtîîo na makîria arîa mavana take,

Afil 3:18

Ûndû ûyû nthiîte kûmwîra nanamwîra mavinda meengî, na rîu nwa ngûmwîra wa guo ngîrîraga naguo nî atî: andû engî matûûraga ta nthû cia gîkuû gîa Kristû mûtharavarî.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

2Ath 3:14

Ethîrwa kûrî mûndû ûkaarega kwathîkîra ûrîa tûmwîrîte maarûarî îno, menyani mûndû ûcio na mûtikathiîcanie nake nîguo aconoke.

1Tim 5:17

Athuuri a kanitha arîa matongoragia waro nîmagîrîrwe nî kûvewa mûcara mwaro, makîrîa arîa marutaga wîra na vinya wa kûvunjia na kûthomithia.

Ahib 13:24

Kethiani atongoria enyu onthe wana etîkia onthe. Ariû na aarî a îthe wetû kuuma Italia nîmamûkethia.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Jakuvu 4:7

Kwoguo athîkîrani Ngai. Reganani na Ngoma nake nîakûûra aume kûrî mue.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

1Sam 8:19

Nao andû nîmaaregire kûthikîrîria ûrîa Samueli aameeraga, na makiuga atîrî, “Naarî! Tue tûrenda mûthamaki,