Ahib 12:7 - ÎVUKU RÎA ÛVORO MWARO

⁷ Ûmîrîriani rîrîa mûkûverithua ta ûrîa mwana aûmagîrîria akîrûngwa nî îthe. Kûverithua kwenyu nîkûronania atî Ngai aramwîka ûguo ta ciana ciake. Gûtirî mwana ûtaverithagua nî îthe.

Ahib 12:7 ပူးပေါင်းရင်းမြစ်များ

2Sam 7:14

Nîngaatuîka îthe, nake atuîke mûvîcîwa. Angîkaavîtia nîngaamûverithia wata ûrîa mwana averithagua nî îthe.

1Atha 1:6

Îthe Daudi ndaarî aananegenia mûvîcî nîûndû wanarî ûrîkû, na nîwendaga mûno gûtuîka mûthamaki. Adonija nama aarî mwanake mûthaka mûno na nîke warûmîrîrîte Abusalomu.

Nthi 13:24

Mûndû ûrîa ûtaverithagia mwana wake, ndamwendete, nwatî ûrîa wendete mwana wake nîamûverithagia.

Nthi 19:18

Rûnga ciana ciaku itarî ngûrû, nwatî ndûkamaverithie ûndû ûngîmacûkangia.

Nthi 22:15

Ciana irî mîtugo ya ûrimû, nwatî kûmariva na kîthanju nîkûthiragia mîtugo ya ûrimû kûrî ciana.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

Nthi 29:17

Thomithia mwana waku mîtugo mîaro na nîagaatûma ûgîa na thayû; ke nîagaatûma ûkene.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

1Akor 11:32

Nwatî rîrîa Mwathani atûtuîra, nîatûverithagia nîguo mûthiiarî tûtigatuîrwe vamwe na nthî.

Gûco 8:5

Menyani atî wata ûrîa mwana averithagua nî îthe, nwa ta guo Ngai-Mûnene, Ngai wenyu amûverithagia.

1Sam 2:29

Nîndûî vi kîratûma ûkorokere iveo na magongoona marîa naathire andû akwa mandutagîre? We Eli, nîndûî kîratûma ûtîîe anake aku kûngîra na njîra ya kûmetîkîria menorithagie na iveo irîa mbaro mûno cia irîa ndutagîrwa nî andû akwa, Aisiraeli?

1Sam 2:34

Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.