Ahib 12:29 - ÎVUKU RÎA ÛVORO MWARO

²⁹ nîûndû Ngai wetû nî mwaki ûrîa ûvîvagia ûkathiria.

Ahib 12:29 ပူးပေါင်းရင်းမြစ်များ

2Sam 22:9

Ndogo yaunûkagia îkiumaga maniûrûrî make, naguo mwaki wa gûcûkangia na makara ciaumaga kanyuarî gake.

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 97:3

Mwaki ûthiîcaga ûrî mbere yake, ûthiîcaga ûkîvîvagia nthû ciake irîa irî vakuvî.

Ntha 15:7

Nîûndû wa ûnene waku we nîûng'aûranagia nthû ciaku; marakara maku makanaga makamavîvia ta rûûa.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Jeremia 25:37

na ndîthia irîa irakirîrîrîtie nînjûkangie nîûndû wa marakara manene ma Ngai-Mûnene.

Ezek 38:19

Nîrî na wîru na marakara meengî nîmanîrîra atî mûthenya ûcio nîgûkaagîa na kîthingithia kînene vûrûrirî wa Isiraeli.

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Ndari 11:1

Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 10:27

Vandû va ûguo ûndû ûrîa ûtigarîte nî gweterera tûrî na guoya îtuîro na mwaki mûnene ûrîa ûkaathiria arîa makararagia Ngai.

Ahib 10:31

Nîûndû wa gwîtigîrwa mûno mûndû kûgwa njararî cia Ngai ûrîa mûtûûra mwoyo!

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.