Ahib 12:22 - ÎVUKU RÎA ÛVORO MWARO

²² Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Ahib 12:22 ပူးပေါင်းရင်းမြစ်များ

2Atha 19:4

Nwa kwîthîrwe atî, Ngai-Mûnene Ngai waku nîwegwire maûndû monthe ma kûthekerera Ngai ûrîa ûtûûraga mwoyo marîa mûthamaki wa Asîria aatûmîte ndungata yake. Ngai-Mûnene Ngai waku aroîgua irumi icio na averithie acio marumanîte. Kwoguo voerani andû arîa matigarîte.”

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Thaburi 84:2

Nînîrerirîria gûtûûra hekarûrî ya Ngai-Mûnene. Ngoro na mwîrî wakwa wonthe nîcinagîra Ngai ûrîa ûtûûraga mwoyo ikenete.

Thaburi 87:3

We îtûûra rîa Ngai, thikîrîria maûndû ma magegania marîa makwîgiî,

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 14:32

Anjaama arîa makaauma vûrûrirî ûcio magaacokerua atîa? Makerwa atî, Ngai-Mûnene nîatumîte îtûûra rîa Zayuni, kûu nîkuo andû ake arîa marî na thîna maûragîra.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 59:20

Ngai-Mûnene arera andû ake atîrî, “Ngaaûka Zayuni nîrî Mûkûri wa andû a njiarwa cia Jakovu arîa magaatiganîria mevia mao.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 17:25

athamaki na anene, arîa magekarîra gîtî Kîam ûnene Kîam ûthamaki Kîam Daudi, nîmagaatonya na mîvîrîga ya Jerusalemu mekarîrîte ikaari cia mbaara, na mbarathi na mathiî vamwe na andû a Juda, na atûûri a Jerusalemu, îtûûra rîîrî rîa Jerusalemu rîtûûrage andû tene na tene.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Joeli 2:32

Nwatî andû onthe arîa makaavoya Ngai-Mûnene amatethie, nîmakaavonokua. Nîûndû kîrîma gîa Zayuni na Jerusalemu, nîgûkethîrwa na ‘andû makaavonoka, arîa magaatigara nî arîa nie nthurîte, ta ûrîa mbugîte nie Ngai-Mûnene.’ ”

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 5:35

kana wîvîte na nthî, nîûndû îo nîyo njûng'wa îrîa aigagîrîra magûrû make. Ndûkanevîte na Jerusalemu nîûndû rîu nîrîo îtûûra rîa Mûthamaki mûnene.

Aroma 11:26

Ûguo nîguo Aisiraeli onthe makaavonokua. Wata ûrîa mandîko matheru maugîte atîrî, “Mûvonokia nîagaaûka kuuma Zayuni, na nîakaathengutia waganu wonthe kuuma rûciarorî rwa Jakovu.

Aroma 9:26

Na vandû varîa meerîrwe atî, ‘Mue tîmue andû akwa,’ vandû wa vau nwa vo mageetîrwa, ‘Ariû a Ngai ûrîa ûtûûraga mwoyo.’ ”

Agal 4:26

Nwatî Jerusalemu îrîa îrî îgûrû ndîrî ûkomborî na nî ta yo ng'ina wetû.

Aefeso 2:19

Kwoguo, mue andû a Ndûrîrî mûtirî ageni kana avîtûki rîngî, nwatî rîu nîmûtuîkîte kîndû kîmwe na andû a nyomba ya Ngai.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

Gûco 5:26

Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Ahib 10:31

Nîûndû wa gwîtigîrwa mûno mûndû kûgwa njararî cia Ngai ûrîa mûtûûra mwoyo!

Ahib 11:10

Iburahimu aatûûraga etererete îtûûra rînene rîrî na mûcingi wa gûtûûra rîtumîtwe nî Ngai.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 13:14

Nîûndû gûkû nthî tûtirî na îtûûra înene rîa gûtûûra tene na tene, nîgûcaria tûcaragia îtûûra înene rîrîa rîgaaûka.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 14:1

Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.

Kûguû 21:10

Nînecûrirwe nî Roho nake mûraika akînguua na akîmvira îgûrû rîa kîrîma kîraca mûno. Nîwamonirie îtûûra rîrîa rînene îtheru rîa Jerusalemu na rînyûrûrûkîte riumîte îgûrû kwa Ngai,

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 22:19

Nake mûndû wa wonthe ûkaaruta kîndû ûrathirî ûrîa ûrî îvukuurî rîîrî, Ngai nî akaamûcuuna îgai rîa matunda ma mûtî wa mwoyo, na amûcune îgai rîrîa rîrî îtûûra rîrîa rînene rîtheru. Irathimo icio nîciarîtue ûvoro wacio îvukuurî rîîrî.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.