Ahib 12:15 - ÎVUKU RÎA ÛVORO MWARO

¹⁵ Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Ahib 12:15 ပူးပေါင်းရင်းမြစ်များ

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Isaia 5:4

Nî ûndû ûrîkû nîngîekire mûgûndarî wakwa, ûrîa nie naregire gwîka? Rîrîa netererete ûciare thavibu mbaro, nîndûî gîatûmire ûciare thavibu cia kîthaka?

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

1Akor 10:12

Kwoguo mûndû wa wonthe ûreciria atî ke nîarûngamîte ekindîrîtie nîamenyerere ndakagwe.

1Akor 13:8

Wendani ndûthiraga. Morathi nîmakaathira, kwaria na nthiomi nîgûkaathira na ûmenyo wa naguo nîûkaathira.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

1Akor 5:6

Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

2Akor 13:5

Îtuîrieni mue ene na mwîthime mwone kana nîmûtûûraga na wîtîkio wenyu. Nî ma nîmwicî atî mûtûûraga na Jesû Kristû, tiga nwa mwîthîrîtwe mûgwîte kîgeranio.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 2:13

Ayahudi acio engî wana o nîmaambîrîrie gwîka maûndû na ûvinga ta Petero nîûndû wa gwîtigîra. Baranaba wanake nîwekire wata andû acio na kwoguo agîtuîka mvinga wata o.

Agal 5:4

Mue arîa mûgeragia gûtuuwa athingu na njîra ya kûrûmîrîra watho, nîmûthengutîrîte Kristû na nîmumîte wegarî wa Ngai.

Aefeso 5:3

Na nîûndû mûrî andû a Ngai, maûndû mamwe matiagîrîrwe wana nî kûgwetwa gatagatîrî kenyu, namo nî ûmaraa, ûûra nthoni na ûkoroku.

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Gûco 32:32

Nthû ciao nî mbaganu ta andû a Sodomu na Gomora, ciîkariî ta mîthavibu îrîa îciaraga thavibu ndûrû na irî na ûrogi,

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

Ahib 4:1

Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Ahib 6:11

Tûngîenda mûndû wa wonthe gatagatîrî kenyu athiî na mbere na kûgîa na kîîo nginya mûthiia, nîguo mûnyite na ma maûndû marîa mwîriragîria.

Josh 6:18

Mûtigakuue indo irîa ciagîrîrwe gûcûkangua, nîûndû mwaikuua nîmûkûrete thîna kûrîa andû a Isiraeli mambîte magema na mûtûme gûcûkangue.

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.