Ahib 12:14 - ÎVUKU RÎA ÛVORO MWARO

¹⁴ Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Ahib 12:14 ပူးပေါင်းရင်းမြစ်များ

Kîam 32:30

Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.

Ayubu 19:26

Wana ikonde ciakwa ciacûkangua, nie mwene nîngeyonera Ngai-Mûnene na metho makwa.

Ayubu 33:26

Rîrîa mûndû ûcio avoya, Ngai nîamwîgucaga, nîagocaga Ngai akenete, nake Ngai nîatûmaga maûndû make mavue.

Thaburi 120:6

Nîndûûrîte kavinda karaca mûno, na andû arîa mathûrîte thayû.

Thaburi 133:1

Kaî nî ûvoro mwaro na wî gîkeno-î, rîrîa andû a nyomba îmwe mekaranîtie marî na ûrûmwe!

Thaburi 34:14

Ûragîra maûndû marîa macûku na wîkage maûndû marîa maro; caragia thayû na ngoro yonthe.

Thaburi 38:20

Acio mambîkaga naaî rîrîa ngûmeka waro, mareganaga nanie nîûndû mbîkaga maûndû marîa maro.

Thaburi 94:15

Ciira nîûgaacoka rîngî gûtucagwa na kîvooto, na andû onthe arîa atheru ngoro nî makaarûmîrîra kîvooto kîu.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 16:7

Ngai-Mûnene angîkenua nî mîthiîre ya mûndû, nîatûmaga wana nthû cia mûndû ûcio ituîke arata.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Maariko 9:50

Cumbî nî mbaro, nwatî îngîthira mûcamo wayo, îngîcoka gwîkîrwa mûcamo nîndûî? “Îkaragani mwîgucanîte gatagatîrî kenyu ta cumbî na mûcamo wayo.”

Luka 1:75

na tûtûûre tûrî atheru na athingu methorî make, mîthenya yonthe ya ûtûûro wetû.

Aroma 12:18

Geragiani mûno wa ûrîa mûngîvota gûtûûrania na andû onthe mûrî na thayû.

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 3:21

Ûndû ûyû ûrenda gûtwonia atî watho nîûreganîte na ciîranîro cia Ngai? Naarî. Nîûndû ethîrwa andû nîmaagîre na watho wa gûtûma magîe na mwoyo, andû onthe nîmangîatuirwe athingu nî Ngai nîûndû wa kûwathîkîra.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Afil 3:12

Nditucaga atî nîrîmûgîu na kîndû kana atî nîrî mûkinyanîru viû, nwatî mbîthagîrwa ngîîrutanîria nîguo ngîe na kîveo nîûndû Kristû nîmûvootanu na akandua wake.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

Ahib 12:10

Methe metû ma gûkû nthî nîmaatûverithirie gwa kavinda kanini kûringana na ûrîa moonaga kwagîrîrîte. Nwatî Ngai atûverithagia tûgunîke na nîguo tûkaagaa ûtheru wake.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 3:11

Nwanginya atige gwîkaga naaî na ekage maûndû maro; nwanginya acaragie thayû na ngoro yake yonthe.

1Pet 3:13

Nû ûngîmwîka naaî ethîrwa mûrî na kîîo gîa gwîka maûndû maro?

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.

Atir 11:14

Jefitha nîwatûmire anjaama rîngî kûrî mûthamaki wa Aamoni