Ahib 12:1 - ÎVUKU RÎA ÛVORO MWARO

¹ Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Ahib 12:1 ပူးပေါင်းရင်းမြစ်များ

Ayubu 8:10

Nama methe menyu nîmakaamûthomithia, mamwîre maûndû kumana na ûtaûku wao.

Thaburi 18:23

Ke nîaicî, atî nie ndirî na mavîtia, na atî nînîthemete gwîka maûndû macûku.

Isaia 60:8

Nîarîkû aarîa maûmbûkîte ta matu, kana ta ndutuura igûrûkîte ithiîte ciururî ciacio?

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 38:9

We, vamwe na athigari aku a mbaara, na andû a mavûrûri marîa ûkeethîrwa mûnyitanîrîte nao nîmûkaathiî na îvenya ta rûvuvo mûtharîkîre vûrûri ûcio na nîmûgaaûkunîkîra ta îtu.”

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Maariko 10:50

Nake mûtumumu ûcio nîwatecanirie nguo yake, akîrûngama wa rîmwe na akîthiî kûrî Jesû.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 16:28

nîûndû nîrî na aa mûrwaiya atano nîguo athiî akamakanie matigeke ta ûrîa nekaga nîguo wa nao matigaûke gûkû mathînarî mama.’

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Johana 3:32

Arutaga ûira wîgiî maûndû marîa onete na eguîte, nwatî gûtirî mûndû wîtîkagîra ûira wake.

Johana 4:39

Nao Asamaria eengî a kuuma îtûûrarî rîu nîmeetîkirie Jesû nîûndû mûndûmûka ûcio nîwamarutîre ûira akîmeera atîrî, “Ke ambîrire maûndû monthe marîa nie naaneka.”

Johana 4:44

Nîûndû ke mwene nîwaugîte atîrî, “Mûrathi ndavecagwa gîtîîo vûrûrirî wake.”

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 2:2

Naathiîre kuo nîûndû Ngai nîwanguûrîrie atî nwanginya nthiî. Nînathiîre ndundu na atongoria a kanitha onga na ngîmava ûvoro mwaro ûrîa mvunjagia kûrî andû a ndûrîrî. Nekire ûguo nîguo wîra ûrîa naarutîte mbere na ûrîa ndutaga rîu ndûgatuîke wa mana.

Agal 5:7

Nîmwathiîte na mbere waro mûno! Nû wamûgiririe kwathîkagîra ûvoro ûrîa wa ma?

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Afil 1:30

Na rîu nwa mûnyitanîre nanie mbaararî. Mbaara îrîa mwonire ngîrûa mavinda marîa maavîtûkire nwa ta yo mûregua ngîrûa nginya rîu.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

2Tim 2:4

Mûthigari arî mbaararî endaga gûkenia mûnene wake, kwoguo ndavutanagia na maûndû mengî tiga wa ûrîa avetwe.

2Tim 4:7

Nîndûîte mbaara mbaro, nîndîkîtie îvenya na mbîthîrîtwe menyererete wîtîkio ûrîa nthomithagia.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 1:3

nîûndû nîmwicî atî wîtîkio wenyu ûngîvoota magerio ta mama mûkaavotaga kûmîrîria.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.

1Pet 5:1

Nie nîrî mûthuuri wa kanitha. Kûrî na ûndû ûmwe nîrenda kwîra athuuri arîa engî a kanitha methagîrwa gatagatîrî kenyu. Nîrî mûira wa mathîna marîa Kristû oonire, na nîngaagaîrwa riiri ûrîa ûkaaguûrua. Nîramûthaitha

1Pet 5:12

Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.

2Pet 1:6

ûmenyorî wenyu mwongagîrîre kwînyitia merirîria ma mwîrî, kwînyitia merirîria ma mwîrî mwongagîrîre ûmîrîru, ûmîrîrurî wenyu mwongagîrîre ûngai,

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.