Ahib 11:9 - ÎVUKU RÎA ÛVORO MWARO

⁹ Na njîra ya wîtîkio Iburahimu atûûrire arî ta mûgeni vûrûrirî ûrîa Ngai aamwîrîîre. Aatûûraga magemarî wata ûrîa Isaka na Jakovu maatûûraga, arîa wa nao maaverwe kîîranîro wata kîu nî Ngai.

Ahib 11:9 ပူးပေါင်းရင်းမြစ်များ

Kîam 12:8

Vuva wa ûguo Aburamu nîwathiîre irîmarî irîa irî mwena wa îrathîro wa Betheli, na akîamba îgema rîake gatagatî ka Betheli na Ai. Betheli yarî mwena wa îthûîro, nayo Ai mwena wa îrathîro. Nake Aburamu nîwatumîre Ngai-Mûnene metha ya kîgongoona vau na akîgooca Ngai-Mûnene arî vo.

Kîam 13:18

Nake Aburamu nîwathaamirie îgema rîake na akîthiî gûtûûra Heburoni vakuvî na mîtî îrîa mîamûre ya Mamure. Aburamu nîwatumîre Ngai-Mûnene metha ya kîgongoona vo.

Kîam 13:3

Aburamu nîwaumire Negebu na akîvîtûkîrîra kûndû na kûndû na agîkinya Betheli varîa aambîte îgema rîake mbererî gatagatî ka Betheli na Ai.

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 18:6

Iburahimu nîwavinyûrire îgemarî na akîra Sara atîrî, “Oca narua mûtu waku ûrîa mwaro mûno wa ngano ûûkande ûmarugîre mîgate.”

Kîam 18:9

Nao andû acio nîmaaûririe Iburahimu atîrî, “Mûkaguo Sara arî kû?” Nake nîwamacokerie atîrî, “Arî kûrîa îgemarî.”

Kîam 21:34

Iburahimu nîwatûûrire vûrûrirî wa Afilisiti arî mûgeni îvinda îraca.

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 25:27

Rîrîa tûvîcî tûu tuoîrî twakûrire, Esaû nîwatuîkire mûguîmi mwaro, kwoguo aatindaga kîthakarî. Nwatî Jakovu aarî mûkiri na kwoguo aatindaga mûciî.

Kîam 28:4

Arokûrathima we na njiarwa ciaku wata ûrîa aarathimire Iburahimu. Vûrûri ûyû ûtûûraga, na nîguo Ngai aaveere Iburahimu, ûrotuîka waku!”

Kîam 31:25

Labani nîwakinyîrîre Jakovu varîa aambîte îgema rîake irîmarî cia Gileadi. Nake Labani vamwe na andû ake nîmaambire îgema rîao kuo wanao.

Kîam 35:27

Jakovu nîwathiîre Mamure kûrî îthe Isaka vakuvî na Kiriathariba (na nîyo Heburoni), kûrîa Iburahimu na Isaka maatûûraga.

Kîam 36:7

Aaumire kûu nîûndû vûrûri ûrîa ke na Jakovu maatûûraga ndwameganaga. Maarî na ndîthia nyîngî na matingîavotire gwîkarania vamwe.

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

Thaburi 105:12

Vîndî îo andû a Ngai maarî anini, matiarî na îgweta, na maarî ageni vûrûrirî wa Kanaani.

Jeremia 35:7

Mûtigatuma nyomba, mûtikarîma mîgûnda na mûtikethîrwa na mûgûnda wa mîthavibu. Nwatî mûgatûûraga magemarî ûtûûrorî wenyu wonthe nîguo mûtûûre vîndî ndaca vûrûrirî ûyû mûtûûraga mûrî ageni.’

Ahib 6:17

Ngai nîwendire kwonia andû arîa makagaa ciîranîro ciake atî îtua rîake nî rîa ma. Kwoguo nîwevîtire atî ke nîakaavingia ciîranîro ciake.