Ahib 11:7 - ÎVUKU RÎA ÛVORO MWARO

⁷ Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 11:7 ပူးပေါင်းရင်းမြစ်များ

Kîam 19:14

Loti nîwacokire akîthiî kûrî arûme arîa maarî mavikie erîtu ake na akîmeera atîrî, “Îîvarîrieni narua muume îtûûrarî rîîrî, nîûndû Ngai-Mûnene nîwîvarîrîtie kûrîcûkangia.” Nwatî meeciragia nî îtherû aarî narîo.

Kîam 6:13

Ngai nîwerire Nuhu atîrî, “Nie nînduîte ciira atî nîngûthiria andû onthe. Nînîmathiria onthe nîûndû nthî îcûrîte mbaara nîûndû wao. Nînîmathiria vamwe na nthî yonthe.

Kîam 6:22

Nake Nuhu nîwekire maûndû monthe marîa aathîtwe nî Ngai eke.

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

Kîam 7:23

Ngai-Mûnene nîwathiririe ciûmbe cionthe irîa ciarî mwoyo gûkû nthî. Nîwathiririe andû, nyamû na iconi. Nuhu, andû arîa maarî nake thabinarî vamwe na nyamû nîo maavonokire.

Kîam 7:5

Nake Nuhu nîwekire maûndû monthe marîa aathirwe nî Ngai-Mûnene eke.

Kîam 8:16

“Umani thabinarî, we na mûkaguo, avîcî aku na aka ao.

2Atha 4:5

Kwoguo mûndûmûka nîwatigîre Elisha na akîthiî agîtonya nyomba marî na avîcî. Nîwavingire mûrango, agîoca tûguta tûu tûnini na akîambîrîria gûtwîkîra nyûngûrî icio wa akînengagîrîrua cio nî avîcî.

Ayubu 35:8

Waganu waku ûcûkangagia andû ta we, ûthingu waku ûgunaga mûndû ûrîa wîngî.

Nthi 22:3

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.

Nthi 27:12

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîguo.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 14:20

wana ethîrwa Noa, Danieli na Ayubu marî kuo, matingîvonokia erîtu kana anake ao. Nwatî nîûndû wa ûthingu wao, o nwa mavonoke.”

Ezek 33:5

Nîweguire mûgambo wa karumbeta na nîwaregire kwîmenyerera, kwoguo nîagaacokererwa nî gîkuû gîake. Nwatî kethîrwa nîwemenyerere, nîangîavonokirie mwoyo wake.

Mathaayo 2:12

Nao andû acio nîmaakaanirue nî Ngai marî kîrotorî makîrwa matigaacokerere kwa Herode. Kwoguo nîmaacokire vûrûrirî wao na njîra îngî.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 24:25

Tathikîrîriani! Nie namwîra maûndû mama mbere ya mekîke.

Mathaayo 24:38

Nîûndû vîndî îo mbere ya nthî îkunîkîrwa nî manjî, andû nîmaarîcaga na makanyua. Arûme nîmaavikanagia nao aka makavikua, nginya mûthenya ûrîa Noa aatonyire thavinarî.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 17:26

Wata ûrîa gwekariî vîndî ya Nuhu, nwaguo gûgeekara mûthenya wa Mûrû wa Mûndû.

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”

Aroma 10:6

Nwatî ûvoro wîgiî ûthingu ûrîa mûndû agîcaga naguo nîûndû wa gwîtîkia, Mandîko Matheru maugaga atîrî: “Ndûkeyûrie we mwene nû ûkunûkia îgûrû (ûguo nî kuga, Nû ûkunûkia îgûrû na arete Kristû gûkû nthî?”)

Aroma 3:22

Ngai atucaga andû onthe athingu na njîra ya gwîtîkia Jesû Kristû. Ngai ekaga ûguo kwî andû onthe arîa metîkîtie nîûndû ndathuurûkanagia.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

Aroma 4:13

Rîrîa Ngai eerîre Iburahimu na njiarwa ciake atî nthî yonthe îkeethîrwa îrî yake, ekire ûguo nîûndû Iburahimu nîwetîkirie na agîtuwa mûthingu nî Ngai, nwatî tî nîûndû nîwathîkagîra Watho.

Aroma 9:30

Rîu ûguo nîkuga atîa? Ûguo kuga atî andû a Ndûrîrî matiageria gwîtua athingu mbere ya Ngai, nwatî Ngai nîwamatuire athingu nîûndû wa wîtîkio wao.

Agal 5:5

Tue twîthagîrwa tûrî na mwîvoko atî Ngai nîagaatûtua athingu. Ûndû ûcio nîguo twîthagîrwa twetererete tûrî na wîtîkio na tûvotithîtue nî Roho wa Ngai.

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

Ahib 11:1

Wîtîkio nî kûgîa na ûma wa maûndû marîa twîrîgîrîrîte, na kûmenya atî maûndû marîa tûtavotaga kwona nî ma ma.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

2Pet 2:5

Ngai ndeeguîra nthî ya tene ntha, nwatî nîwaurithirie mbura ya kîvovoto na manjî magîcûra gûkû nthî kûrîa kwarî na andû mataarî na ûngai. Nwatî Ngai nîwagitîre Nuhu ûrîa wavunjagîria andû matûûre marî athingu na akîvonokia andû engî mûgwanja.

2Pet 3:6

Na nthî îrîa yarî kuo vîndî ya tene yacûkangirue na mwîcûro wa manjî.