Ahib 11:34 - ÎVUKU RÎA ÛVORO MWARO

³⁴ nîwavoririe mîaki yarî mînene na makîvonoka kûragwa na rûviû. Matiarî na vinya, nwatî nîmagîre na vinya. Nîmaarûire na ûcamba mbaararî na makîvoota athigari a mavûrûri mageni.

Ahib 11:34 ပူးပေါင်းရင်းမြစ်များ

1Atha 19:1

Mûthamaki Ahabu nîwerire Jezebeli maûndû monthe marîa Elija eekîte wana ûrîa Elija aaûragîte arathi onthe a Baali na rûviû.

1Atha 19:3

Elija nîwamakire na akîûra akîthiî Beerisheba, îtûûra rîa Juda nîguo athare mwoyo wake. Kûu nîkuo Elija aatigire ndungata yake,

2Atha 6:1

Gîkundi Kîam arathi arîa Elisha aatongoragia nîmerire Elisha atîrî, “Taroria, vandû ava tûtûûraga nî vanini mûno!

2Atha 6:32

Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

Ayubu 42:10

Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Ayubu 5:20

Vîndî ya yûra nîagaakûvonokia kuuma kûrî gîkuû, na vîndî ya mbaara nene nîgagûtethûra kuuma kûrî gîkuû.

Thaburi 124:7

Tûrîte ta gîconi kiumîte mûtegorî wa mûtegi, mûtego nîmûviûkie, natue twavonoka.

Thaburi 144:10

We nîûvecaga athamaki ûvootani, nîwe ûtethûraga Daudi, ndungata yaku.

Thaburi 6:8

Nthengutîrani, mue andû arîa mekaga maûndû macûku! Nîûndû Ngai-Mûnene nîeguîte kîrîro gîakwa.

Thaburi 66:12

Nîwatûmire nthû cietû itûkinyange; tûnyamarîte ta andû mavîtûkîrîrîte mwaki na mwîcûrorî wa manjî; nwatî nîûtûretete kûndû kûrî na ûgitîri.

Ntha 18:4

Nîwacokete akiuga rîngî atîrî “Ngai wa vava nîwandethirie na akîmvonokia ndikaûragwe nî mûthamaki wa Misiri.” Kwoguo nîwagatuîrîte rîîtwa Eliezeri.)

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Jeremia 26:24

Nwatî Jeremia ethagîrwa akîgitîrwa nî Ahikamu mûvîcî wa Shefani, nîguo ndakarekererue kûrî andû aûragwe.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.

Atir 15:8

Samusoni nîwaûragire Afilisiti eengî mûno, na agîcoka agîkara ngurungarî ya îthiga rîrîa rîarî Etamu.

1Sam 18:11

Nake Saûlo akîîra na ngoro atîrî, “Nîmbikia Daudi îtumû nîmûmundanîrie na rûthingo.” Nake nîwaikirie Daudi îtumû maita maîrî wa Daudi akîevagîra.

1Sam 19:10

Saûlo nîwaikirie îtumû rîake akîgeria kûmundanîria Daudi na rûthingo, nwatî Daudi nîwavinyûrire na akîûra.

1Sam 20:1

Daudi nîwacokire akiuma Naiothu kûu Rama akîthiî kûrî Jonathani na akîmûria atîrî, “Nîkwa mbîkîte atîa? Mavîtia makwa nîmarîkû? Nî îvîtia rîrîkû mvîtîrîtie aguo narîo rîa gûtûma ende kûmbûraga?”